Versets bíblics populars de MARCOS 10

Comparteix

Niźaśa ni źoñź Matiki, ana manta päźinta khiśxapa thonchićha, ans manta päśxapa thonchićha, niźaśa nïź źeti thäśxapa paka kunta, thapa źoñinaka liwrïśxapa ninakź ujkiśtan.

Jesusaki ninaka cherźku, qhäśićha: –Źoñinakźtaki ana atchukaćha, ans ni Yöśtaki anaź ana atchukaki źelhćha.

Jesusaki nïźkiś khichićha: –Amiź thapa quśśiś khen amki ćhhetintamćha, xaśiki oqa. Xalla ni orapacha ni źoñiki cherchićha, neqhśtan Jesusiźtan chika ni jikhśkiś oqhchićha.

Xalla niźtikiśtan ni Yöś uchśta tshi źoñiki anaź jaljasaćha.

Jesusaki ni źoñź qhutñi śuma quśtan cherśićha, neqhśtan nïźkiś khichićha: –Amtaki tshi päś phalhtićha: Thappacha am qinasinaka tuyśka, t'aqhir źoñinakźkiś ni päś ona, neqhśtan am tsewkta yoqkin tshanti źelinchiśam khekićha. Nuź päźku wethkin thona, niźaśa werh apźka, wethtan oqhlayñi khe.

neqhśtan Jesusaki ni źoñi pewkśićha: –¿Ćhhulu päñim werh pekxo? Ni śur źoñiki qhäśićha: –Thaxiñi, werhki cherś pekućha.

Niźaśa anćhukakiś ana niźta khiśtanćha. Xalla ni anćhukakiśtan irpiś pekñiki, thapatiź manta päśtanćha

Cheqpachal chiyućha, jëkit ana tanźnaćhax ni Yöś irpiś watha tshi okhalaźtaqaś nïki, anaź wira ni Yöś irpiś wathkiśiki luśhasaćha.

Niźaśa anś wakchi tukkin khiñinakaki wirkinź khisnakićha, niźaśa anś wakchi wirkin khiñinakaśti tukkinź khisnakićha.

Niźaśa qallantiś kiśtanpacha, ‘Yöśki luktaqa niźaśa mätaqa pächićha, Xalla niźtikiśtan źoñiki perśun mä ephźkiśtan saraqakićha thunatan qamśxapa, niźaśa ni pukultanaki tshi źoñiźtaqaś khekićha.’ Niźaśa anaćha piśk, ans tshiqaśśa.