Versets bíblics populars de LUCAS 1

Comparteix

Yöśtaki anaź ćhhulumi ana atchuka źelasaćha.

Neqhśtan Mariyiki khichinćha: –Werhki Yöś mantitakama qaminćha; amiź chïta kama Yöś wethkiś watqatla. Xalla neqhśtan, ni anjilaki oqhchićha.

Ni anjilaki näkiś qhäśićha: –Ni Espíritu Santuki amkiś thonakićha, tsewkta aśśiś Yöśki tshiriźtaqaś amkiś wëskakićha. Neqhśtan ni wawaki Yöśkin quśśiśpan paqakićha, niźaśa nïki Yöś Mati khitaź khekićha.

Niźaśa amki añcha wali kirïchamćha, ni Yöś chïta taquki kumlisnakićha.

Xaśiki, ikam eklakićha niźaśa tshi machhchiśśam khekićha, nïkim thüsqatakićha JESÚS khikan. Niźaśa ni Jesusaki paqhiź khekićha; tsewkta Yöś Mati khitaź khekićha, ni Yöś Ephki reyź khisqatakićha nïź achchi Davidźtaqaś, Niźaśa ni Israel watha wiñaya pacha irpiśxapa; nïź irpiśki anaź tukuśiñiź khekićha.

Neqhśtan ni anjilaki näkiś khichićha: –María, ana eqhsna, amki Yöś yanapiñi wathchamćha.