Niźaśa ni Festo jiliriki ni Jerusalén wathkiś śiman jila źelhchićha, xalla neqhśtan Cesarea watha kephchićha. Neqhśtan xaqataźupacha nïź juchjiptayś julśkiś julśićha, neqhśtan Pawlu qhawźkax khichićha. Niźaśa ni Pawluź luśhtan, ni Jerusalén wathkiśtan thonchi judiu źoñinakaki, Pawluźkin makhatchićha, neqhśtan ninakaki thapa anawal ćhhultaqinakkiśtan ni Pawlu kijchićha, niźaśa ninakaki Pawluź uj anapan jesi atchićha.