Versets bíblics populars de HECHOS 20

Comparteix

Niźaśa anćhukakiś tirapan ni lanqśkiśtan thaxśinćha, niźaśa ni thaqhir źoñinakźkiś yanapśtanćha, xalla ni Jesusiź taqunaka khuñśkan: ‘Yöśki ni thäñinakźkiś tshantiź thäsaćha ni tanśñi źoñinakźkiśtan khenaki.’ ”

Niźaśa werhki tikhś khenami anal llakiśhućha. Ans werhki ni Yöś śuma kintunaka maśnil źerś pekućha, xaqnuźt ni Jesús Tata wethkiś mantitćhaxa xalla ni kama.

Niźaśa anćhukki, naynayiź khekićha, niźaśa thappacha ni Yöś kirïchi jilanaka kuytakićha, niźaśa ni Espíritu Santuki anćhuk ni Yöś kirïchi jilanaka ichñi awatiri uchchinćha, ni Yöś kirïchi jilanaka kuytaxu, niźaśa nïki nïź perśun lhokhźtan qhaychićha.

“Xaśiki jilanaka anćhuk Yöśkin thïźnućha, niźaśa nïź śuma oqśñi tawqkiś. Niźaśa nïź śuma oqśñi taqunakaź anćhuk śapuru paqqatasaćha, niźaśa nïź xaru oqanaki Yöśki thappacha nïź źkayi quśśiś illśta wathźkiś nïź taqu onźta thäkićha.