Versets bíblics populars de Wahyu 11

Comparteix

Ubu Ni sansinir tali lanit ratan i nomor ifitu nafraik ni tvuri a, na urenar sansinir ovi rtali lanit ratan rangrihi ma vairira dawan urun ma rfalak ne, “Ba fiang ini, dida Duilaꞌa ovu Raja i ntevut tamata ra tali rira salasilan ra, nfareta munuk roak raja ovi rnaꞌa lanit ivavan ovu rira tamata ra. Ia veka nfareta, nata ti a wol ni wahan.”

Tamata ovi wol rorang Oa rangrova urun Oa. Naꞌuk Mu amar a naran roak ma fwaturu Mu ngrova a, ma fwaleka inukun verin tamata matmatan ra, ovu maval tamata ovi rkarya verin Oa, rira rala lolin ra. Oa veka maval Mu nabi ra ovu tamata ovi fwili ra, ovu vali ovi baꞌi ralang Oa rira rala lolin ra, velik ne tamata avyai, koꞌu te dawan ira. Mu amar a kena roak ma fwedan tamata ovi rvisal-rvasil lanit ivavan ini.”

Yaꞌa veka ala ngrebat verin Ning tamata irua i rfamalik Ning vaivatul ra, ma reluk roak kadaravit ovi rotu tali kadut nur ma al nfaturu ne, ralarira lalau urun. Ira rarenar lahir tali Ubu ma ti rfamalik verin tamata ra, ti naran amar rivun isa ratut irua vutnean.”

Naꞌuk amar itelu ovu amar isa ni lihir nelak roak, na Ubu nal-ewal nan a verin Ni tamata irua yai ma rvaꞌat ewal, ba rbatar ma rdiri. Ba tamata ovi rsiꞌik ira rbobar urun i lahir.

Ubu nala ngrebat verin ira ma rotu ma wol daꞌut, naꞌut i rfamalik Ni afa ovi nfalak ra. Ira rira ngrebat vali ma rotu ma wear naꞌa lara, ovu rotu ma sian afaka watan nkena lanit ivavan ini, naꞌut inba watan, wean i ralarira ra rfalak a.

Ning tamata irua yai, ira wearira aa zaitun irua ovu damar wan irua, ma rdiri Ubu i nfareta lanit ivavan a wahan ralan a. Wean tamata boku mane rwi-rwa tamata irua yai, na rira ngrebat ma yafu ntali vavarira nti murin ma nasnuri munuk tamata ovi rira sian ira. Ba tamata ovi mane rotu sian ira veka rmata munuk.