Versets bíblics populars de Lumàns 4

Comparteix

Wù tà tì neklì jə̂ a wun a tô yi bimî, be faŋ hì kwâktè gha kum chwuna wu Fùyènù. Wù hì bɨlà ləma yênà kə ashyə̂ a wun a yi bimî, kokhe Fùyèn. Wu hì fate khə kə nâ hamok na Yènfù kətalò jyaka hi nè gha ye a fu tì chwùne.

Yi mô kə yi ghəl te ghɨ nyaka a ŋwàklù Fùyèn wu lùk afa a fu tì jìsa ya ha Ablàhâm na, “Mu ti lem wò ha bì a tu lak, tu dô kə ni.” Yèn fe a Ablàhâm tì bime tì lem wûn ha bì ha ghàhnà. Fu ti ni na ghɨt a kputena kahè hi chyə̂. Fu tî jîs kə nì jwo na mwə̀lû hi mô, mù hì mô ma mù ndùku wi.

Yènfù tî fo wûn na ghɨ ywi kum besu ghàhnà sù, kahi lôhì wûn a yi kpû hi nì na ghàhnà hi mô chilichili a wun ashyə̂.

Ablàhâm ti bimi ha Yènfù hì chyə kə a wun a to yi bimî nâbi te yi ndùku kə̂kà ha ghɨta na gha ye a wu ndùku ke yênà yini bè kpene wi. Wù ndùku mò kə wun a tô yi bimî bê hi mô bì ha ghɨta a tu lak nâ hidù kə yi ghəl te ghɨ tì chwùne ha wûn jis na, “Ghɨta a wo yi sah yi nda bè hì dô kə ni.”

Yi ni chwùtè na chwuna mu wûn mò kum yi bimî. Yènfù fo chwuna mu wûn kə ha ghɨt a Ablàhâm yi sah yi nda à jɨ̀m beka təm a jûŋà ghe a fu kəta. Fu tà fo jə kə ha ghɨt ghe a ghɨ lêmà Saki. Fu fo kəbi ha tum we a ghɨ kəta bimînì kəbi te Ablàhâm beka Ablàhâm ndùku mô bì kə ha ghàhnà à jɨ̀m.

“Jùŋ mò ha wùt we Yènfù lèhefo besu wunsu su chyâkhì njahtu wun tu. Jùŋ mô ha wùt we a Bâba taŋa wi besu wunsu.”

Ghɨ nyak a ŋwàklù Fùyèn na, “Ablàhâm ti bimi ha Yènfù, fu lyi wun ha wùt à chilichili.”