Versets bíblics populars de Lumàns 14

Comparteix

Fə̂n wù Fùyènù mò ni, a bu a shyə a yəna, a bu yi gha yi nyoni, a mò yi gha hi tè chyə chyəna chilichili, kəta yi yutì nì saŋlînì, a mô gha ghe a Yohnà Yulena bènà nì ghɨna. Wùt we a wù fètà ha Klistù, chyə a lum afan, nè na Yènfù hi saŋlê, ghɨta fê kôŋà wûn.

Makə ghàhnà chyəlò, ghɨ chyə kə hi tè kokhe Bâba, ghɨ kpu kəbi yi kpû, ghɨ kpu kə hi fo yi kokhî ha wûn. Yi ni chwùtè na ghàhnà mò kə ghɨt a Bâba, makə ghɨ chyə yi chyə̂, makə ghɨ kpu yi kpû.

Ghàhnà momhi hi tè nè kə gha ghe a ghɨ bênà nì yutìnì, nê na ghɨta hi ləma yi ləmà a ghɨna yi bimî.

Kə ghàhnà bè saka wana ne ghàhnà ale. Yi jwôfà na ghàhnà bɨlà lem na ghàhnà bè fè nè wi gha hi nì na wana ne ale ni be.

Yi mô kə yi ghəl te ghɨ nyaka na Bâba jis na, “Mu mò Yèn fe a fu chyə, jîsà na nâbi nde bè tumalò lwe a mu ashyə̂, ma nâbi nde jis nì jwo wuni na mu mò Fùyèn.” Yi ni chwùtè na nâbi nde a ghàhnà fùtɨ̂n bè taŋlelò jwo wuni ha Yènfù kum chyənà à wûn.

Wùt hì lye bênà a ghàn a fùtɨ̂n, bimî yi wuni baha botâ, ghàn fyi wûn. Ghàn fyi ni, kə ghàn hi gufnà gha ghàn à wûn kum kwâktì ye a wù kəta kum gha ale.

Wò mò nâ nde hi tè saka wùt wù fètana wù wùt wùlò? À kəta kə Bì yi fèt à wûn hi kî na wù nè a jûŋ ma a be, biyani wu bu hi fên beka Bâba kətalò jyaka hi tòk à wûn.