Versets bíblics populars de Rōmano 12

Comparteix

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.

ꞌIna ko haꞌatiꞌa mo rē atu o te meꞌe taꞌe tano. E aŋa te meꞌe riva-riva, ki rē ai kōrua ki te meꞌe taꞌe tano.

E here ꞌi roto i a kōrua pa he taina, ꞌe e moꞌa pa he nuꞌu manaꞌu i hau rō atu te rua ki a rāua.

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

E aŋa te meꞌe nō era i ai i a kōrua mo noho riva-riva ꞌi roto i te haumārū ananake ko te taꞌatoꞌa nō taŋata.

E te taina, ꞌina ko kimi i te rāveꞌa mo haka ūtuꞌa i te nuꞌu aŋa atu i te meꞌe taꞌe tano; e haka rē mo te ꞌAtua a rāua e haka ūtuꞌa. E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋ pē nei ē: «Māꞌaku mau nō e haka ūtuꞌa i te taŋata, ꞌe māꞌaku e haka ꞌauhau i te rāua meꞌe taꞌe tano aŋa, he kī iŋa nei o te ꞌAtua».

ꞌIna ko haka hupe-hupe; e aŋa hai māhatu ki a Ietū Kiritō, he Pūꞌoko Haka Tere o tātou.

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

ꞌIna ko haka hoki hai meꞌe taꞌe tano ki te kope aŋa atu i te meꞌe taꞌe tano. E noho riva-riva kōrua, ꞌo ai te vānaŋa mo tuhi atu i te kōrua hape.

ꞌIna ko tātake ꞌi roto i a kōrua. ꞌIna ko manaꞌu i hau rō atu ki te rua, ꞌo manaꞌu e ai rō ꞌana te nuꞌu mo taꞌe piri e kōrua ꞌe te aŋa mo taꞌe aŋa e kōrua. ꞌIna ko manaꞌu ko ꞌite tahi ꞌana i te meꞌe taꞌatoꞌa.

E kī takoꞌa rō ꞌana: «Mo maruaki o te nuꞌu taꞌe haŋa atu, e vaꞌai hai kai; ꞌe mo pohe ki te vai, e vaꞌai. Pē ira he haꞌamā a rāua».

E ani ki te ꞌAtua mo haꞌamaitai i te nuꞌu tōtōā atu i a kōrua; ꞌina ko ani mo haka ūtuꞌa i a rāua. E koa kōrua ananake ko te nuꞌu koa, ꞌe e taŋi ananake ko te nuꞌu taŋi.

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

Te hakari taŋata he meꞌe e tahi mau nō. Ka ai atu pē ira, meꞌe rahi nō atu kona o te hakari, ꞌe rā ŋā kona meꞌe kē meꞌe kē te meꞌe aŋa. Pē ira ꞌā tātou, te nuꞌu ⌊haka moe i te manaꞌu⌋ ꞌi ruŋa i a Ietū. Ka ai atu e rahi rō ꞌana a tātou, e tahi mau nō hakari, he hakari o Ietū.