Versets bíblics populars de 1 Kōrinto 2

Comparteix

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

Te kope taꞌe haka moe i te manaꞌu ꞌi ruŋa i a Ietū ꞌe kore o te Vārua Maitai o roto i a ia ꞌina he toꞌo mōꞌona i te hāpī haka ꞌite e te Vārua Maitai; te hāpī nei he meꞌe maꞌa-maꞌa e tahi mōꞌona. ꞌE ꞌina e ko aŋi-aŋi, ꞌi te meꞌe era o te Vārua Maitai mau nō te haka aŋi-aŋi i te auraꞌa parautiꞌa o rā hāpī.

Rā meꞌe taꞌe haka ꞌite mai era ꞌi muꞌa ꞌā ko haka aŋi-aŋi mai ꞌā e te ꞌAtua hai Vārua Maitai ꞌi te hora nei; a ia, paꞌi, e ꞌite rō ꞌā i te meꞌe taꞌatoꞌa, ꞌātā i te manaꞌu hopeꞌa o te ꞌAtua.

ꞌIna i a tātou i te nuꞌu ⌊haka moe i te manaꞌu⌋ ꞌi ruŋa i a Ietū, te manaꞌu iŋa ena o te taŋata o te ao. Te meꞌe i a tātou he Vārua Maitai vaꞌai mai e te ꞌAtua, mo aŋi-aŋi he aha te meꞌe taꞌatoꞌa vaꞌai mai e ia ꞌi tōꞌona riva rahi.

E vānaŋa atu era a au o ruŋa i te roŋo o te ꞌAtua, taꞌe hai vānaŋa mārama-rama e haka ꞌite atu era; o te ⌊Vārua Maitai⌋ te haka ꞌite atu he parautiꞌa rā vānaŋa era ꞌāꞌaku, ꞌo ai hai mārama-rama o te taŋata te haka moe iŋa ena o kōrua i te manaꞌu ꞌi ruŋa i a Ietū ꞌe taꞌe ꞌō hai pūai o te ꞌAtua.