Versets bíblics populars de Roman 14

Comparteix

Mbə̀ʼnə ànwùə̀ Nɨ̀fò Nẅùə̀ ka a pə e la a nɨ zɨghə̀ nkɨ nô, a chyə̂ mbə la a nɨ ghɨ̀rə̀ mɨ̀nwùə̀ mɨ təəmə̀nə, ànwùə̀ àporə̀porə̀ pobə ànwùə̀ nɨ̀ghaʼà amwuə Àzhwùə̀ Nẅùə̀. Ŋònə̀ nɨ à wa nfàʼà ambo Kristù amwuə ndwuumə̀ wə̀, à kùʼnə̀ ambo Nẅùə̀, pànə̀ kɨ mbyiimə̀ e.

Pə̀ənə̀ tə mbə pɨ̀tɨ̀ŋnə̀ yi pə̀ənə̀ pə pə mbə̀ʼə Ndòʼnə̀mbyə̂. Pə̀ənə̀ kɨ nkwɨghə̀ yi pə̀ənə̀ kwɨghə̀ pə ntii Ndòʼnə̀mbyə̂. Tsaʼnə a pənə a lenə la, pə̀ənə̀ tə kwɨghə̀ kə̀ nchyə̂ yi pə̀ənə̀ la pànə̀ pɨ Ndòʼnə̀mbyə̂.

Pə̀ənə̀ tə nkyiitə̀ amwuə ɨ̀làŋə ɨ̀tsùmə̀ a nɨ ghɨ̀rə̀ pə mɨ̀nwùə̀ nɨ mèrə ma ndòo àporə̀porə̀ ntô nkɨ mmə ngyèmpə̀ a wəənə̀ moʼo moʼo a nɨ kẅuə̀.

Lenəla, kò pə̀ənə̀ chi ntsoʼtə̀ a wə̀ənə̀ mbɨ̀ŋmə̀ ɨ̀zəənə̀. Pə̀ənə̀ nùŋə̀ pə lo mbə̀ʼə pə̀ənə̀ twaanə̀ a wəənə̀ àtɨ̀ghə àlàŋə lo ndyimə ɨ̀wə̀ənə̀ a kunə̀ aŋunə apə̀ kə̀ nkɨ ngɨ̀rə̀ a wəənə̀ lo ndyimə ɨ̀wə̀ənə̀ â kunə̀ amwuə tɨ̀pòŋə̀ apə̀.

Mbə̀ʼnə pɨ ŋwàʼnə̀ amwuə àŋwàʼnə̀ Nẅùə̀ lo, “Ndòʼnə̀mbyə̂ à shwəŋə̀ lo, tsaʼnə m̀bənə ghù ntɨ̀ŋnə̀ la, ŋwùə̀ ntsùmə̀ à ghǎ kẅiʼtə̀ a mbyə̀ mɨ̀ŋə̀, pànə̀ pɨ̀tsùmə̀ shwəŋə̀ a sàŋə̀ sàŋə̀ lo ǹchyə̂ mbə la Nẅùə̀.” La a laanə̀ ambo pə̀ənə̀ moʼo moʼo lo ŋwùə̀ ɨ̀tsùmə̀ à ghǎ shankə̀ ànwùə̀ mbə̀ʼə e a mbyə̀ Nẅùə̀.

Nɨ̀ kẅiirə̀ pànə̀ nɨ àpyiimə̀ ntɨŋmə̀ àzobə a porə̀nə ɨ̀shìʼnə̀, la kò nɨ̀ kɨ ntànkə̀ pɨghə pɨ pobə aŋunə ànwùə̀ nɨ nɨ̀ pyiimə̀nə.

Ghǒ ɨ̀wə̌ a nɨ saʼà ɨ̀sàʼa ngàŋə̀ àfàʼà ŋònə̀ nyàanə? A ye tǎ pɨ àfàʼà ŋònə̀ ghu nɨ mbə̀ʼə a shwəŋə̀ lo à fàʼà ɨ̀shìʼnə̀ kə̀ tɨ̀pòŋə̀. Ǎ fàʼà ɨ̀shìʼnə̀ ntiinə Ndòʼnə̀mbyə̂ a chyə̂ nɨ ɨ̀tɨ̀ŋnə̀ a nɨ yèmpə̀ e ghu.