Versets bíblics populars de Rom 5

Comparteix

Ku Nhialic ë nhiëërde nyuɔɔth, nhiëër nhiɛɛr en wook, në thon cï Yecu Kërtho thou në biäkda, ku ŋootku ë wo ye kɔc ë kërac looi.

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

Ku acie yen etök, wok lec röt në karil dhal wook ayadäŋ, në ŋïny ŋic wok en an, karil dhal wook, yen aye guömdekäŋ bɛ̈ɛ̈i, ku guömdekäŋ ee raan tɔ gïu, ku gïu cï raan gïu yen aye aŋäth bɛ̈ɛ̈i

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho. Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Ku të wään ŋoot wok ke wok cïn riɛl, ke Kërtho ë jɔ thou ëkööldɛn piɛth në biäk de kɔc kuc Nhialic riëëu.

Ku ënɔɔnë, nɔn cï wo guɔ tɔ piɛthpiɔ̈ɔ̈th në riɛmde, ke kuny bï en wo kony në agɔ̈th yen apiɔl awär ee kënë arëët.

Acït man cï kɔc juëc tɔ ye kɔc ë käŋ wööc në dhäŋ cï raan tök löŋ dhɔ̈ŋic, yen acït luɔi bï kɔc juëc tɔ piɛthpiɔ̈ɔ̈th në pïŋ cï raan tök käŋ piŋ.

Ku acie yen etök, wok mit piɔ̈ɔ̈th ayadäŋ ë Nhialicic në Bɛ̈nydan Yecu Kërtho, raan ë yök wok mät në yen.