Versets bíblics populars de ROMANOS 8

Comparteix

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

Te joꞌone jnaꞌoj te maꞌyuk tut ya spiton ta slekil yoꞌtan te Diose. Ni jaꞌuk te lajele, ni jaꞌuk te kuxlejale, ni te angeletike, ni te machꞌatik ay tulan yaꞌtelik sok te ay spoderike, ni te tut ya xkꞌot ta pasel te ora to, ni te tut ya xkꞌot ta pasel ta patil baele. Ni jaꞌuk te tut toyol aye, ni jaꞌuk te lom najt koem baele, ni jaꞌuk jkajuk te tut spasoj te Diose. Maꞌyuk tut ya xjuꞌ ya spitotik a te slekil yoꞌtan Dios te la yaꞌbotik kiltik ta skuenta te Kajwaltik Cristo Jesuse.

Jaꞌ ya skoltayotik te Espíritu te tutꞌil maꞌyuk puersatike. Porke ma jnaꞌtik tutꞌil ya skꞌan ya jkꞌopontik te Diose. Pero te Espiritue stukel mismo ya skꞌoponbotik Dios ta jtojoltik. Meꞌbaꞌtik nax yoꞌtan ta kꞌop te ma chikanuk tut ya yale.

¿Tut mas ya kaltik? Teme Dios ayotikix ta koltayel yuꞌune, maꞌyuk machꞌa ya xjuꞌ te ya skontrainotike.

Jaꞌ yuꞌun, ni maꞌyuk tut kastigoil ay ta skuenta te machꞌatik jun nax ay sok te Cristo Jesuse. Jaꞌ bi, jaꞌ te machꞌatik ma ta skuentaukix stiꞌbalul kuxulike; jaꞌikix te kuxulik ta skuenta te Espiritue.

Teme jaꞌ yajtal yoꞌtanik te tut ya skꞌan te stiꞌbalule, ya akꞌot bael ta lajel yuꞌun. Pero teme jaꞌ yajtal koꞌtantik te tutik ya skꞌan te Espiritue, jaꞌ ya yaꞌbotik jkuxlejaltik sok bujtsꞌan kꞌinal.

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

Te ora to ayotik ta wokolajel, pero ma tulanuk ta koꞌtantik te wokolajel teme jaꞌ ya jnaꞌtik te lekilal te ya kiltik ta patile.

¿Machꞌa kꞌan juꞌuk yuꞌun te ya spitotik a te slekil yoꞌtan te Cristoe? Maꞌyukix. Ni jaꞌ te wokole, ni jaꞌ te oꞌol jbajtike, ni jaꞌ te tenele, ni jaꞌ te wiꞌnale, ni jaꞌ te maꞌyuk lek jkꞌuꞌ-jpakꞌtike, ni jaꞌ te milele, ni jaꞌ te lajele.

Y te Diose ya snaꞌ tut ay ta koꞌtantik, sok ya snaꞌ te tut ya yal te Espiritue. Porke te Espiritue ya skꞌanbe Dios ta skuenta te machꞌatik ay ta stojole, jich tutꞌil ya skꞌan te Diose.

Spisil te machꞌatik uꞌuninbil yuꞌun te Espíritu yuꞌun te Diose, jaꞌ yal-xnichꞌan Dios abi.

Te machꞌatik kuxajtik ta skuenta te tut ya skꞌan te stiꞌbalul te jmulawil winike, jaꞌ nax yajtal yoꞌtanik te tut ya skꞌan te stiꞌbalulike. Pero te machꞌatik kuxajtik ta skuenta te Espiritue, jaꞌ yajtal yoꞌtanik te tutꞌil ya skꞌan te Espiritue.

Te Diose maꞌ spꞌajotik ni te batsꞌi Xnichꞌane, asta la yakꞌ entregal ta lajel ta joꞌotik ta jkajtik. Teme jich a yaꞌbotik ta majtanil te Xnichꞌane, ¿me makꞌ ya yaꞌbotik spisil te tut ya jkꞌantike?

Y jaꞌ to jaꞌ mismo te Espíritu ya yalbotik ta koꞌtantik te joꞌotik te yal-xnichꞌanotikix te Diose. Y te tutꞌil yal-xnichꞌanotikix te Diose, jich ayix jpartetik te jmajtantik te Dios yaloj jilel te ya yaꞌbotike. Pajal ya kichꞌtik sok Cristo, teme jich ya xkꞌax jwokoltik soke, yuꞌun ta patil jun ayotik sok ta lekilal.

Te machꞌatik jaꞌ yajtal yoꞌtanik te tut ya skꞌan te stiꞌbalulike, jaꞌ skontrainejik Dios yuꞌun, porke ni ma skꞌanik ni ma xjuꞌ yuꞌunik te ya xchꞌuunbeyik te smantale.

Sok te tutik spasoj te Diose jun yoꞌtan yipal ta smaliyel te tut ora ya xchiknatesot te machꞌatik yal-xnichꞌan te Diose.

Jnaꞌojtik asta te ora to te tutik spasoj te Diose ya skꞌanik koltayel y ayik ta wokol, jich tutꞌil jtul ants te ay xkꞌuxul swokol te ya xpajt yoꞌtane.