Versets bíblics populars de ROMANOS 5

Comparteix

Pero te Diose la yakꞌix ta ilel te ben skꞌanojotik ta yoꞌtane, te tutꞌil cham Cristo ta jkajtik te kꞌalal ayotik to ta mulil aye.

Sok makꞌ ya jtatik kꞌexlal yuꞌun te tutꞌil ya jmaliytike, porke Dios aꞌ snojesbotik ta koꞌtantik te slekil yoꞌtan ta skuenta te Chꞌul Espíritu te yakꞌojbotike.

Y ma jaꞌuk nax to. Jun koꞌtantik yuꞌun euk te ayotik ta wokole, porke jnaꞌojtik te wokole mas ya yaꞌbotik spuersa koꞌtantik a. Y te spuersa koꞌtantik jaꞌ ya yakꞌotik a te lek ya xkꞌootik ta stojol te Diose. Y teme lek ya xkꞌootik ta stojol Diose, jich ya yaꞌbotik spuersa koꞌtantik ta smaliyel.

Jich yuꞌun, libreix ayotik yuꞌun te jmultike ta skuenta nax te xchꞌuunel koꞌtantike. Jich bujtsꞌan kꞌinal ya kaꞌitik ta stojol Dios ta skuenta te Kajwaltik Jesucristoe. Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Yuꞌun te kꞌalal maꞌyuk jpuersatik te ya jkoltay jbajtike, la sta yorail te cham te Cristoe ta skaj te machꞌatik ma lekikuke.

Y te ora to libreix ayotik yuꞌun te jmultik ta skuenta te cham te Cristoe, sok mas to xan ya xkolotik ta libre yuꞌun te kastigo ta slajibal kꞌaal ta skuenta te Cristoe.

Jaꞌ xyal te ta xkꞌaxemul nax jtul winik, jmulawiletik a kꞌot spisil genteetik. Pero jich mismo, yuꞌun te la xchꞌuun mantal jtul xan winik, bayal genteetik a kolik ta libre yuꞌun te smulike.

y ma jaꞌuk nax to. Jun koꞌtantik ayotikix ta stojol Dios ta skuenta Cristo te junix koꞌtantik sok te Diose.