Versets bíblics populars de ROMANOS 15

Comparteix

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

Spisil te nail albil ta Sjun te Diose la yichꞌ tsꞌibayel yuꞌun jpꞌijuteseltik. Yuꞌun jich me ay spuersa koꞌtantik y sok ya sjunutesbotik koꞌtantik te jich ya jtajtik a te ay tut ya jmalitike.

Y te Diose, te ya yaꞌbotik spuersa koꞌtantik y sok sbujts koꞌtantike, jaꞌ ya skoltayex te tutꞌil kuxulex te jun awoꞌtanik ta juju-tulexe, jich tutꞌil la yakꞌ ta ilel te Cristo Jesuse, yuꞌun ta apisilik jun nax akꞌopik te ya awalik te ben tsaꞌam slekil te Dios te Stat te Kajwaltik Jesucristoe.

Jich yuꞌun, junuk me awoꞌtan abaik ta juju-tul, jich tutꞌil te jun yoꞌtan ta atojolik te Cristoe, yuꞌun jich me ben tsaꞌam slekil skꞌoplal awuꞌunik a te Diose.

Joꞌotik ta jpisiltik jaꞌ ya skꞌan te lek ayotik sok te joytik ta genteile, y aꞌ pasbetik te tut leke skuenta ya xjuꞌ ya xmukꞌub xan ta xchꞌuunel a te Diose.