Versets bíblics populars de HECHOS 5

Comparteix

Te jPedroe y sok te yan xan apostoletike la sjakꞌik: —Puersa jaꞌ ya jchꞌuunbetik smantal te Diose; ma jaꞌuk ya jchuunbetik smantal te winketike.

Jujun kꞌaal a nojpeswanik y la yalik ta templo y ta nantik te lek achꞌ kꞌop yuꞌun te Jesus te jaꞌ Cristoe.

Te jPedroe la yalbe: —Ananias, ¿tuꞌun te och pukuj ta awoꞌtane? Yuꞌun la apasix ta lot te Chꞌul Espiritue te tutꞌil la akꞌej jilel oliluk te stojol alume. ¿Meꞌn ma jaꞌukat awuꞌun te lume? Y te kꞌalal la achone, ¿meꞌn ma jaꞌukat awuꞌun te takꞌine? ¿Tuꞌun te jich la anope? Ma jaꞌuk la aloꞌlay te winketike, jaꞌ la aloꞌlay te Diose —xchi te jPedro. Te kꞌalal laj yaꞌiye, te jꞌAnaniase jawtsꞌo bael y cham. Spisil te machꞌatik la yaꞌiyike beno la xiꞌ yuꞌun.

Jaꞌ yuꞌun ya kalbeyex sluwar: Ijkitayaik jilel te winketik me to y ma chꞌik abaik sok. Porke teme ta skꞌop nax winketik te tut ya yalike, ya me xlaj skꞌoplalik. Yan teme ta skuenta Diose, ma xjuꞌ awuꞌunik skomel. Ila me abaik, ma me xꞌakontrain abaik sok te Diose —xchi te Gamaliele.