Versets bíblics populars de HECHOS 11

Comparteix

Kꞌalal la stae, la yikꞌ bael ta jtejklum Antioquia. Teꞌeyik jun jaꞌbil sok a te hermanoetike, la spꞌijuteslan bayal gente. Jaꞌ te Antioquiae te ba nail a aꞌbot sbiilinik Cristoetik te jnopojeletike.

Te kꞌalal kꞌot teꞌa te jBernabee la yil te aꞌbilix bendision yuꞌun Dios te machꞌa ma juriyouke y ben jun yoꞌtan yuꞌun. La stsitstalan spisil te ben junuk yoꞌtanik ta stojol te Kajwaltike. Porke te jBernabee ben lek yoꞌtan ta winikil, y nojel ta yoꞌtan te Chꞌul Espiritue, y jun yoꞌtan ta stojol te Kajwaltike. Jich bayal xan gente a xchꞌuun te Kajwaltike.

Jaꞌ yuꞌun teme jich a akꞌtalanbotik yuꞌun Dios te Chꞌul Espiritue, jich tutꞌil te joꞌotik te jchꞌuunetikix te Kajwaltik Jesucristoe, ¿machꞌaon me a te joꞌone te ya jkom ta aꞌtel te Diose? —xchi te jPedroe. Te kꞌalal jich a yaꞌiyik te hermanoetik ta Jerusalene, ma tuti yalikix a y la yalbeyik slekilal te Diose. Jich a yalik: —Yuꞌun Dios a yaꞌbe sujtes yoꞌtanik yuꞌun smulik te machꞌatik ma juriouke. Jich me ya xkolik sbajtel kꞌinal euk —xchiik.