Versets bíblics populars de Maraku 9

Comparteix

Yeesɔ kɔɔ wu tɔɔ, mɔkɔ nɛɛ zunung danggn shinnang katɔ jong. Zang piti ɓɔɔ shing danggn ka bii Laa, vuu ɓɔɔ kpãa wu ɓi kagn kpang.

A dáa jaa mɛɛ nyaa ka lapa nabm tantɛnang tɔɔ, “N shing danggn tɔ, yi m naa kagn. N shing danggn ka bii ɓaaɓɛ gbãng gbãng.”

Yeesɔ daa tɔ ka yeti gãa ka bm, a zang ɓɔɔ ri mantɛ vuu ka bii ɓiɓɛ, ri hɛ̃ɛ wu tɔɔ, “Ruu zunung nwangsɛnang ɓuru kpang ka ruu viya?” A Yeesɔ kasɛ ri nyaa tɔɔ, “Suru shi kpang ɓɔɔ naa weɓe nwáng ɓi jong waati kpang, zang nwangsɛ ɓi nɛɛ Laa gaanang.”

“Tãa ɓi tɔ̃ɔ. Naa lanang tãa nɛɛ takpang, zang palɛ bɛɛ nɛɛ mani wu la tɔkn viya? Tãa ɓɔɔ shing zang, nɛɛ zang nwáng ka nyaa zɔɔ, wu nwang ka bii manɛ ning. Nɔɔ ti nwang ka nyaa zɔɔ nɛɛ zɔɔ.”

“Zang ɓɔɔ ta jaa ɓɔɔ tɔkɔlɔng ɓɔɔ naa weɓe ka nung mɛɛ, tà nkɔ. Zang ɓɔɔ nɛɛ ti ta m, ta ɓi nkɔ shɛ̃ɛning kpang, ta m nɛɛ zang ɓɔɔ shong m ɓɛɛ ning.”

N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ a nɔɔ mii ɓoonang, ka ruu ɓɔɔ, zang ɓaa nɔɔ nɛɛ zang ɓɔɔ dũng Kirisi ɓɛɛ, naa ta vuu tɔ̃ɔ ɓɔɔ Laa shing wu ɓɛɛ ditɔ.

“Zang ɓɔɔ palɛ jaa gbete ka teteng wujɛ seseere kɔ ri shing danggn ka bii mɛɛ ɓee, palɛ vuu shi kpang, jĩng ɓɔɔ zang kaɓa naa dangnɛ ɓa ɓɔɔ zang nɛɛ mã ree bang ka turu ɓiɓɛ, zang tasɛ wu ka yeti mii waapo katɔ.

Jĩng ɓaaɓɛ kɔ nɛɛ dɔ̃ mɔɔ, nɛɛ mɔɔ palɛ vuu shi kpang, zɔ̃ng ta mɔɔ tasɛ. Daa nɔng ɓɔɔ Laa roo Kpanti nɛɛ jĩng dang gbete gbã̀ágbãa, ka nung ɓɔɔ zang tasɛ mɔɔ nɛɛ jĩng ɓaaɓɛ ziti piti ka waa ɓɔɔ ning ɓi kpang ɓɛɛ.