Versets bíblics populars de ᒫᔪᐦᐧᑖᑦ ᒫᕠᔫ 24

Comparteix

ᒑ ᐃᔥᐱᔥ ᒫᒃ ᓈᓈᓂᒌᒻ ᐙᔪᑎᐦᒡ ᒥᒑᑎᓰᐎᓐ, ᒥᐦᒑᑐ ᐄᔨᔨᐅᒡ ᐅᓵᒋᐦᐄᐙᐎᓂᐙᐤ ᓂᒧᐃ ᒋᑭ ᐅᐦᒋ ᑖᑎᔅᐱᐱᔨᐤ᙮ ᒥᒄ ᒫᒃ ᐊᓐ ᐊᐙᓐ ᒑ ᔮᐃᒋᑳᐳᒀ ᒑ ᐃᔥᐱᔥ ᐱᒫᑎᓰᑦ ᐋᐅᒄ ᒑ ᐱᒫᒋᐦᐋᑭᓅᑦ᙮

ᐆ ᒫᒃ ᒥᔻᒋᒧᐎᓐ ᒋᔖᒥᓂᑑ ᐅᒋᐦᒌᐅᒋᒫᐎᓐ ᑳ ᑎᐹᑐᑖᔨᒡ ᒋᑭ ᑭᒑᔅᒀᓂᐤ ᐅᑎᐦ ᒥᓯᐙ ᐊᔅᐱᒋᔅᑭᒥᑳᒡ ᐊᔅᒌ ᒥᓯᐙ ᐊᐙᓐ ᒑ ᒌ ᐹᐦᑎᐦᒃ, ᐋᒄ ᒫᒃ ᐃᔮᒄ ᒑ ᐃᔅᒀᐱᔨᒡ᙮”

ᐊᑳᐐ ᑭᔮᐦ ᒋᑭ ᐅᐦᒋ ᒥᑯᔥᑳᑖᔨᐦᑎᒥᐦᐄᑯᓈᐙᐤ ᐹᐦᑎᒫᒀ ᐋ ᒥᑣᓂᑐᐱᔨᓈᓂᐎᒡ ᐹᔓᒡ ᐊᓂᑖᐦ ᐋᐦ ᑖᔮᒄ ᑭᔮᐦ ᐹᐦᑎᒫᒀ ᐋ ᑎᐹᑖᑭᓂᐎᒡ ᐋ ᓂᓂᑐᐱᔨᓈᓂᐎᒡ ᐊᓂᑖᐦ ᐙᐦᔨᐤ᙮ ᐋᐅᒄ ᐙᔥ ᐆ ᓃᔥᑎᒻ ᓈᑎᐙᔨᐦᑖᑯᐦᒡ ᒑ ᒌᐦ ᐄᔅᐱᔨᒡ, ᒥᒄ ᒫᒃ ᓂᒧᐃ ᐋᔥᒄ ᑭᑎ ᐅᐦᒋ ᐃᔅᒀᐱᔨᐤ ᐊᔅᒌ᙮

ᐹᔨᑯᓂᐦᒡ ᑳ ᐄᑎᔅᑳᓈᓯᒡ ᐄᔨᔨᐅᒡ ᑭᑎ ᒫᓯᐦᐄᑑᒡ ᐊᓂᔮᔨᐤᐦ ᑯᑎᒃ ᐊᐙᔨᐤᐦ ᐃᔨᐦᒡ ᑳᐦ ᐄᑎᔅᑳᓈᓰᔨᒡᐦ᙮ ᑭᔮᐦ ᐊᓂᒌ ᑳ ᒋᐦᒋᐅᒋᒫᐅᒡ ᑭᑎ ᓂᑐᐱᔨᐦᑭᐦᑎᐙᐅᒡ ᐊᓂᔮᔨᐤᐦ ᑯᑎᒃ ᑳ ᒋᐦᒋᐅᒋᒫᐎᔨᒡ᙮ ᒋᑭ ᑎᑯᓐ ᐋ ᑯᐃᐦᑯᐦᒡ ᑭᔮᐦ ᒫᒃ ᐋ ᑭᐎᐦᑭᑖᓂᐎᒡ᙮ ᐄᔥᐱᐦ ᒫᒃ ᒋᐦᒋᐱᔨᐦᒑ ᐋᐦ ᐄᔅᐱᔨᔨᒡ ᒥᓯᐙ ᐅᐦᐄ ᒑᒀᓂᐦᐄ ᐋᐅᒄ ᐱᒑᐃᒃ ᒑ ᒋᐦᒋᐱᔨᒡ ᓂᓈᐦᑳᑖᔨᒧᐎᓐ, ᒧᔮᒻ ᐃᔅᒀᐤ ᐋ ᒋᐦᒋ ᒨᔑᐦᐅᑦ ᒑ ᐋᐦᑯᓯᑦ᙮”

ᒋᐦᒋᒌᔑᒄ ᑭᔮᐦ ᐊᔅᒌ ᑭᑎ ᐃᔅᒀᐱᔨᐤ, ᒥᒄ ᒫᒃ ᓂᑎᔨᒧᐎᓐ ᓂᒧᐃ ᓂᐦᑖ ᑭᑎ ᐅᐦᒋ ᐃᔅᒀᐱᔨᐤ᙮”

ᐙᔥ ᒋᑭ ᒥᐦᒑᑑᒡ ᐄᔨᔨᐅᒡ ᐋ ᑎᑯᔑᐦᒡ ᓂᑎᔑᓂᐦᑳᓱᐎᓂᔨᐤ ᐋᐦ ᐋᐱᒋᐦᑖᒡ ᐋᐦ ᐃᔨᒡ, ‘ᐋᐅᒄ ᓃᔨ ᙭’᙮ ᒥᐦᒑᑐ ᒫᒃ ᐊᐙᔨᐤᐦ ᒋᑭ ᑳᒌᔑᒫᐅᒡ᙮

“ᐋᒄ ᒫᒃ ᒑ ᐅᑎᓂᑯᔮᒄ ᑭᔮᐦ ᒋᑭ ᓂᓈᐦᑳᒋᐦᐄᑯᓈᐙᐤ᙮ ᐙᐙᒡ ᒋᑭ ᓂᐱᐦᐄᑯᓈᐙᐤ᙮ ᒥᓯᐙ ᐋᐦ ᐄᑎᔅᑳᓈᓯᒡ ᐄᔨᔨᐅᒡ ᒋᑭ ᐅᐦᑳᑎᑯᐙᐅᒡ ᐋ ᓅᔔᔥᑯᔮᒄ᙮ ᒥᐦᒑᑐ ᒫᒃ ᒋᑭ ᐴᓃᐅᒡ ᐋ ᑖᑆᔮᔨᒥᒡ ᑭᔮᐦ ᒋᑭ ᒫᒥᔑᒥᑯᐙᐎᒡ ᑭᔮᐦ ᒋᑭ ᐅᐦᑳᑐᐎᒡ᙮ ᒥᐦᒑᑐ ᒥᒋᐅᒋᔅᒋᐙᐦᐄᒑᓱᒡ ᒋᑭ ᑎᑯᔑᓂᒡ ᒑ ᑳᒌᔑᐦᐋᒡ ᐊᐙᔨᐤᐦ, ᒥᐦᒑᑐ ᒫᒃ ᐊᐙᔨᐤᐦ ᒋᑭᑐᑎᐙᐅᒡ ᒑ ᒌᐦ ᐴᓃᔨᒡ ᐋ ᑖᑆᐦᑎᒥᔨᒡ ᑖᑆᐎᓂᔨᐤ᙮

ᒌᓴᔅ ᒫᒃ ᒌᐦ ᐄᑖᐤ, “ᔮᒀᒦᒄ, ᐋᑳ ᐊᐙᓐ ᒑ ᒌ ᑳᒌᔑᐦᐄᑖᒄ᙮

ᐋᐅᒄ ᒫᒃ ᐆ ᐅᐦᒋ ᑭᔮᐦ ᒌᔨᐙᐤ ᒨᔥ ᒋᐱᐦ ᐃᔮᔅᑭᐐᓈᐙᐤ᙮ ᐙᔥ ᐄᔨᔨᐅᑯᓯᓵᓐ ᑭᑎ ᑎᑯᔑᓐ ᑖᓂᑖᐦ ᐊᓂᑎᐦ ᐋᐦᐋᑳ ᒥᑐᓐ ᐅᐦᒋ ᐹᔣᔨᒫᒄ ᒑ ᑎᑯᔑᐦᒃ᙮”

ᔮᒀᒦᒄ ᒫᒃ ᐙᔥ ᓂᒧᐃ ᒋᒋᔅᒑᔨᐦᑖᓈᐙᐤ ᑖᔨᔥᐱᔥ ᒑ ᑎᑯᔑᐦᒃ ᒋᑎᐹᔨᐦᒋᒑᓯᒧᐙᐤ᙮

“ᐙᔥ ᓂᒧᐃ ᐊᐙᓐ ᒋᔅᒑᔨᐦᑎᒻ ᐊᓂᔮᔨᐤ ᐋ ᒌᔑᑳᔨᒡ ᑭᔮᐦ ᒫᒃ ᐊᓂᔮᔨᐤ ᑎᐱᐦᐄᑭᓂᔨᐤ ᒑ ᐄᔅᐱᔨᔨᒡ ᐅᔮᔨᐤᐦ ᒑᒀᔨᐤᐦ᙮ ᓂᒧᐃ ᐙᐙᒡ ᒋᒋᒌᔑᑯᐦᒡ ᐋᓐᒋᓂᒡ ᒋᔅᒑᔨᐦᑎᒧᒡ, ᐙᐙᒡ ᐅᑯᓯᓯᒫᐤ, ᒥᒄ ᐅᐦᑖᐐᒫᐤ ᒋᔅᒑᔨᐦᑎᒻ᙮

ᑭᑎ ᑖᐅᒡ ᐄᔨᔨᐅᒡ ᐋ ᑳᒌᔑᐦᐄᐙᒡ ᐋᐦ ᐃᔨᒡ, ‘ᐋᐅᒄ ᓃᔨ ᙭’᙮ ᑭᑎ ᑖᐅᒡ ᑭᔮᐦ ᒥᒋᐅᒋᔅᒋᐙᐦᐄᒑᓱᒡ᙮ ᐋᐅᑯᓂᒡ ᒫᒃ ᐅᒌ ᓂᓈᐦᑭᐤ ᒫᒥᔥᑳᒡ ᐙᐱᐦᑏᐙᐎᓐ ᒑ ᐙᐱᐦᑎᔨᐙᒡ ᑭᔮᐦ ᑭᑎ ᑐᑎᒧᒡ ᐋ ᒫᒥᔥᑳᑖᔨᐦᑖᑯᓃᔨᔨᒡ ᒑᒀᔨᐤ᙮ ᐋᑯᑖᐦ ᒫᒃ ᒑ ᐅᐦᒋ ᑳᒌᔑᐦᐋᒡ ᐊᐙᔨᐤᐦ ᓂᑎᐐ ᒥᒄ ᒑ ᒌᐦ ᐄᔑ ᑖᑆᐦᑎᒥᔨᒡ᙮ ᐙᐙᒡ ᐊᓂᔮᔨᐤ ᒋᔖᒥᓂᑑ ᑳ ᐅᐙᔮᐱᒫᔨᒡ ᐊᐙᔨᐤᐦ ᐋᔨᐅᑯᓐ ᐊᓂᔮᔨᐤ ᒑ ᐐᐦ ᑳᒌᔑᐦᐋᒡ᙮

ᒧᔮᒻ ᒫᒃ ᑖᓐ ᑳ ᐄᑖᔨᐦᑖᑯᓃᔨᒡ ᐊᓂᑎᐦ ᒫᒀᒡ ᑳ ᐱᒫᑎᓰᑦ ᐊᓂᔮ ᓄᐙᐦ, ᐋᐅᒄ ᒑ ᐄᑖᔨᐦᑖᑯᐦᒡ ᒦᓐ ᑎᑯᔑᐦᑳ ᐄᔨᔨᐅᑯᓯᓵᓐ᙮ ᐋᔥᒄ ᐋᒸᔮ ᐅᐦᒋ ᐊᔅᒋᐳᑖᒡ ᐊᔅᒌ ᒥᒄ ᐙᐦ ᑎᒡ ᒌᐦ ᑑᐎᒡ ᐊᓂᒌ ᐄᔨᔨᐅᒡ, ᒌ ᒦᒋᓯᐎᒡ, ᒌ ᒥᓂᐦᒀᐅᒡ, ᑭᔮᐦ ᒌ ᒋᐦᒋᐐᒋᑑᒡ ᐲᐦᐃᒻ ᑳ ᐅᑎᐦᒋᐱᔨᐦᒡ ᒑ ᐲᐦᒑᑦ ᓄᐙ ᐅᒌᒫᓐ᙮ ᓂᒧᐃ ᒫᒃ ᐅᐦᒋ ᒋᔅᒑᔨᐦᑎᒧᒡ ᑖᓐ ᒑ ᐄᔅᐱᔨᔨᒡ ᐹᑎᔥ ᑳ ᐊᔅᒋᐳᑖᔨᒡ ᐊᔅᒌᔨᐤ, ᒥᓯᐙ ᒫᒃ ᒌ ᓂᔑᐎᓈᒋᐦᐅᒡ᙮ ᐋᐅᒄ ᒫᒃ ᒧᔮᒻ ᒑ ᐄᔅᐱᔨᒡ ᐄᔥᐱᐦ ᐹᒋ ᓅᑯᓯᒑ ᐄᔨᔨᐅᑯᓯᓵᓐ᙮