Versets bíblics populars de 1 Korinto 6

Comparteix

Mléte si mlɔ kisugyaɛ kinu Ɔfuɛfuɛ Dradra lɔ Lisɔligba lɛ na a, gi ɔkpasi ní mlɔ mɛ ɛ, gi lɔ mlɛzi dɔni Aya klɔ na a? Mláma ní mlɔ tutɔ mlɔ isu wla mɛ ɛ; Aya yɛ edzi mlo kedzi zɛzɛ. Lɛ loso e, mlakɔ mlɔ kisugyaɛ akpɛ kubùbù ní Aya su u.

Kite mléte si litukpo me gagla benete ba ɛ, bátramɔ kaŋase ní Aya yɛ kaʋaŋaa mɛ na a? Mlakímeni isu u: bahasi nɛ loo babubitɛ loo benyime ba ya gi bɛgbani badzɛ ɛ, pɔ̀ xe bizɛlɔ̀ ádzɛboe e, loo benyime ba ya gi badzɛ ba bizɛɛtsa kibɔɛ kɔ si bafɛ ni ba a, loo benyime ba ya gi bizɛɛfɛ ni ba ahanuglɔ benyime e, ni badzɛ ba ya gi bizɛpɛ ba ahanuglɔ badzɛ ba a, loo beze ba, loo banama gi bizɛɛpɛ si kidɔ kakaa kize ba kinɛ ɛ, loo badaŋwɛmu ba loo banama gi bizezizi banɔ su u, loo banama gi bizemeni banɔ ɛzi ba bidɔ mɛ ɛ, batrámɔ kaŋase ní Aya yɛ kukusi yo me e.

Mlese ní kihasi ye su, liboe zimizi kakaa elu gi ɔnɔ aabitɛ ɛ, ɔʋíbitɛ lɛ ɔmanɔ ní yɛ isu ya su u; pɔ̀ ɔniliɛ gi abitɛ lihasiboe e, abitɛ liboe zimizi amani yɛ isu ya su u.

“Kidɔ kakaa su kidra ɛki mɛ si mibitɛ ɛ,” “pɔ̀ aní kidɔ kakaa kibu libi ɛki mɛ ɛ.” Bɛdra kudeonu iiki mɛ si mibitɛ kidɔ kakaa, pɔ̀ ani kidɔ kakaa kiatani mɛ aʋa kuŋa a.

Lɛ gani yɛ kigaglaɛ mɛ ɛ, Aya ayɔni Ɔkaɛ adɔ ni bekpo ʋa mɛ lɛ aayɔni blɔ fɛ ɛ.