Versets bíblics populars de 1 Korinto 15

Comparteix

Lɛ loso mɛ benemi lɔlɔ ba a, mlalɛɛ gaglaa tɔ mlakíki si kididɔ kihwani mlɔ ɔ. Mlakɔ mlɔ isu ya petee aki Ɔkaɛ yɛ axwɛ na lipoe kakaa, lɛ ese linu si mlete si mlɔ axwɛ na ní Ɔkaɛ mɛ ɛ, atráze efiteete e.

Pɔ̀ kwido Aya ɖase gi yɛ aki si kwiŋa aʋa gani blɔ Ɔkaɛ Yesu Kristo me e!

Mlakíki tɔ bemeni mlo, “Ɔha nyani nyani mɛ kuzeze kuze zizi ligbã́zeze gbã.”

Gani Aya yɛ lipomepɛpɛ nɛ mɛ ɛ, menu kidiliɛ gi menu abla ɛ, lɛ yɛ lipomepɛpɛ nɛ libu libi kí mɛ ɛ. Lɛ ese linu si mawa axwɛ gagla sani yɛ banɔkpɛkpɛ ba petee e, lɛ aní mɛ kigagla onu u, pɔ̀ Aya yɛ lipomepɛpɛɛ nɛ ɛ, gi lilɛ ní mɛ mɛ̀ ɛ.

“Oo Kutse nifɔ wɔ kuʋaŋaa kulɛ ɛ? Kutseo nifɔ wɔ ome no ɔlɛ ɛ?” Lɛ ese linu si kutseo kɔ ome no onu kuzimizi yo, lɛ kuzimizi yo kuzɛɛzi kɔ kigaglaɛ dɔni ɔsã nɔ klɔ ɔ.

Mlata kutu tɔ mido liboe kpokpo gi litu banima kugyɔ ɛ si mlɔ. Blɔ petee kutrátse e, pɔ̀ bɛtrákyi blɔ petee blɔ kilɛlɛɛ mɛ ɛ. Liaba lɛ mɛ ní lipoe kpekpe etɔ mɛ, kilɛ gi ɔnɔ aada yɛ bimbi ʋe ʋleʋleʋle e, xegi beme kakuklui gɔgɔa ɛ. Lɛ ese linu si xegi beme kakuklui ya ɛ, banama gi betse e, biayɔni ba gi batrátse tɔ ɔ. Lɛ blɔ banama gi kuli ligbã́ nɛ ɛ, biakyi blɔ kyɛ blɔ kizezee me.

Lɛ ŋwisi kiliɛ gi kutse kwiba kelea mɛ gani ɔnɔ aʋa ɛ, kuyɔyɔ dɔni bekpo ʋa mɛ kyɛ kwiba gani ɔnɔ aʋa a. Lɛ kiliɛ gi banima pɔ́ bizeetse e, gi blɔ pɔ́ kunu Adam yɛ lipo me bebi loso e, nite me kee biayɔni ɔnɔ kakaa gi aadzi ligbã́ gani likpɔ kpɛkpɛ mɛ ni Kristo o.

Lɛ ese linu si lilɛ si bekyi blɔ bisugyaɛ ʋɛ gi bizezizi i, lilɛ si bekyi ʋe tɔ bidzi bisugya gi bitrazizi liwewe e; blɔ kesea aʋa ya bisugya ʋɛ gi bizeetse e, lilɛ si bekyi ʋe tɔ bidzi bisugya gi bítratse liwewe e.

Lɛ ese linu si lilɛ si Kristo ɔŋa kukusi ga kɔkpɛni lipoe lɛ klɔ gi aakpɛ yɛ ahwafiɔnɛ kakaa ní yɛ kukliseo e. Lɛ ahwafiɔnɛ gɔgɔ ɛ, gi yɛ aʋa aaŋa ɛ, yɛ onu kutseo.