Versets bíblics populars de 1 Korinto 12

Comparteix

Abla kí ɔnɔ kakaa ɛ, Ɔfuɛfuɛ nɔ lɔ kibabaɛ kibasɛ isu ya ní kude kutɔ aʋa kí ɔnɔ kakaa yɛ kupɛ̀pɛ.

Abla ɛ, mlɔ mlenu Kristo yɛ kisugyaɛ, lɛ mlɔmɛ kakaa onu yɛ kapɛatɔ.

Xe kapɛ tiele kɛmɔ kini i, kùpɛ gɔgɔ fɛ kwiamɔ kinie ni ka. lɛ xe bɛkpɔ̀ kapɛ tiele e, kùpɛ gɔgɔɔ fɛ kwiamɔ isami nɛ ni ka.

Ɔfuɛfuɛ nɔ izɛɛki ɔnutɔ kuboesenu, lɛ ki ɔnɔ dzedze dɔni Ɔfuɛfuɛ tole lɔ klɔ kee me e, izɛki kuboete. Ɔfuɛfuɛ nɔ izɛki ɔnɔ tole e, kuziŋa lɛ ki ɔnɔ dzedze e, izɛki kigagla tɔ aakɔ̀ yɔni banima. Ɔfuɛfuɛ nɔ izɛɛki si ɔnutɔ aabitɛ enugutseboe; lɛ ki ɔnɔ dzedze e, izɛki si odo eboe ɔplɛ; lɛ ki ɔnɔ dzedze e, tɔ ɔtani lidzegaga kukpɛ ní ifuɛfuɛ nɛ kusi i. Ki ɔnutɔ ɛ, ɛki kupani ni siya ede ede me, lɛ ki ɔnɔ dzedze dzɛ ɛ, ɛki siya ede ede na ese kububu yo.

La ya petee enu Ɔfuɛfuɛ toleɔ lɔ klɔ lɔ axwɛwawa, lɛ izɛɛki bidɔ kiliɛ gi ɛɛpɛ ɛ.

Lɛ loso e, kulɛlɛ kúma ní kisugyaɛ su, boŋu i, lilɛ si kisugyaɛ kapɛ kakaa kakɔ litɔ lɛ mɛ aki kapɛ kakaa.

Bidɔkɔkɔ ede ede na alɛ, pɔ̀ Ɔfuɛfuɛ toleɔ lɔ klɔ ko ɛki bɛ petee e. Axwɛwawa la bede ede ede alɛ, pɔ̀ Ɔka tole ko banima beesumu u. Kitèbitɛ ede ede na alɛ, pɔ̀ Aya tole ko izɛki kitèbitɛ ki ɔnɔ kakaa ki lixwɛ nɛ gi ɛɛwa a.

Lɛ ní ɔsɔli ha lɔ mɛ ɛ, Aya edu ní ɔtɔpu kɔ ɛ, banɔkpɛkpɛ ba, ní ɔʋla kɔ ɛ, beboedoplɛ ba, ní ɔtanɛ kɔ ɛ, badɔbasɛ ba; lɛ banama gi bizɛɛbitɛ enugutseboe la ɛ, ní ba kede e, banama gi bɛki kigaglaɛ si bayɔni banyanya ba a, lɛ banama gi bɛɛpɔni banima a, lɛ banama gi bizedi axwɛ na aʋa ɛ, lɛ banɔatɔ gi bizɛpani siya ede ede na a.

Kisugyaɛ ɔtutɔ lɔ ɛ, ani kapɛ tiele ko kinu, pɔ̀ kɛ kupɛɔ kwisrɛ ɛ.

Boŋu i, kisugyaɛ kupɛ uliɔ su gi banima bɛmɔ si kigagla kíma ɛ, kɔ kwisazia.

Lɛ xe kisugyaɛ petee kinu kimbi i, kitɛ kiabitɛ xe kianu i? Lɛ xe kisugyaɛ petee kinu kutu yɔ tete e, kitɛ kiabitɛ xe kianu ɔfu nɔ ɛ? Pɔ̀ ní anukwarɛɛ mɛ ɛ, Aya akpɛ kisugyaɛ kapɛ kakaa ní kisugyaɛ mɛ kiliɛ gi apɛ́ si kize e. Xegi si kisugyaɛ petee kize kapɛ tiele ko e, kítraze kisugya tɔɔ ɔ.