Versets bíblics populars de Matiyos 16

Comparteix

Ka da-de Ye̱so ze̱e̱ru̱ yan-neke̱-mo̱ u̱n wu̱, “Myet wu̱ co̱ne̱ wu̱ do̱ru̱ me̱ à, be-u̱r no̱, se̱ wu̱ she̱'e̱g hi u̱n de u̱n wu̱, wu̱ sew kan -o̱ u̱n wu̱, wu̱ do̱ru̱ me̱.

M-mo̱ka u̱m ze̱e̱g wo̱ u̱nze wo̱ ro̱ Bitrus, komo n-to̱n u̱n ka ta'ar-o̱ u̱m he man yan-dor re, komo mo̱ ken mar-mo̱ ro̱tt u̱t-gwo̱mo be-de u̱n ye̱ á.

Man ya'as wo̱ rii-se u̱n tiks u̱n gwo̱mo-to̱ Shir. Ko̱yan o caase̱ kane̱ u̱n ho̱no o-dak, Shir a caas yo n-To̱n shir. Komo ko̱yan o gage̱ kane̱ u̱n ho̱no o-dak, Shir a geeg yo n-To̱n shir.”

Remen wu̱ co̱ne̱ wuke̱ u̱n ho̱o̱g-mo̱ u̱n wu̱ à, wu̱a taage̱ u̱n mo̱. Amba kap bo̱n wu̱ taage̱ u̱n ho̱o̱g-mo̱ u̱n wu̱ rem re à, wu̱a kum mo̱.

¿Yan yo ne̱ ne̱t he m-kum u̱rege̱ wu̱ kumug kwu̱m-o̱ u̱n ho̱no o-dak kap, amba wu̱ taagu̱ru̱ u̱n ho̱o̱g-mo̱ u̱n wu̱? Ko̱ ne̱, ¿ya ne̱t he m-ya'as be-de u̱n shas-o̱ u̱n ho̱o̱g-mo̱ u̱n wu̱?

Ka da-de wu̱ citu̱ru̱ ye̱, “¿Amba no̱ u̱n ya, wan wu̱ ne̱ u̱m ro̱ u̱n hyan-o no̱?” Simo̱n Bitrus shasu̱ru̱, “Wo̱ wu̱, Kiristi , Wà-wu̱ Shir wan-ho̱o̱g.”

Ye̱so shasu̱ru̱, wu̱ zee, “Simo̱n wà Yohana , wo̱ ko-ya-o-kwu̱m-wu̱! Remen Tato re wu̱ ro̱ n-To̱n shir à, wu̱ kutu̱ wo̱ to̱ ka, ba ne̱t á.