Versets bíblics populars de Mako 16

Comparteix

Akati kwavari, “Endai munyika yose, muparidzire zvisikwa zvose Vhangeri.

Zviratidzo izvi zvichava navanotenda, vachabudisa mweya yakaipa nezita rangu, vachataura nendimi itsva; vachabata nyoka; kunyange vakanwa chinhu chinouraya, hachingavarwadzi; vachaisa maoko pamusoro pavarwere, vakapora.”

Anotenda, akabhabhatidzwa, achaponeswa; asi asingatendi achatongwa.

Ivo vakaenda, vakaparidza kwose-kwose, Ishe achibatsirana navo, achisimbisa shoko nezviratidzo zvaiteverana navo.]

Rikati kwavari, “Musavhunduka, munotsvaka Jesu weNazareta, akanga aroverwa pamuchinjikwa; amuka, haapo pano; tarirai pavakanga vamuisa.

Zvino vakati vachitarira, vakaona kuti ibwe rakanga ratokunguruswa, nokuti raiva guru-guru. Vakapinda mubwiro, vakaona jaya, rakanga rigere kurudyi, rakapfeka nguo chena yakarehwa, vakavhunduka.