Versets bíblics populars de Mattaios 23

Comparteix

Koroka, echi tumugeta an iyotta pase gurʼanak ne echi koro uitek guru ne kusu ne.

Orowa, nen ne yakka yaikota yairikta ande gurʼanak ne aeoripakka kusu ne; orowa, yaikota yaieoripakka guru anak ne arikta ande kusu ne.

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, echi utara anak ne hakka mun gusu hemhem, uikiyo mun gusu hemhem, makin mun gusu hemhem, yaku echi sange ruwe ne, koroka, tuitak gusu an aesanniyop newa rampoken newa eishokor-i nei no an pase ambe shomo echi kan ruwe ne: koroka, tap okaibe echi ki kunip ne, orowa nei ambe ne yakka echi shomo ki no an katu anak ne wen ruwe ne.

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, itangi newa orowa aibe sei soige echi ashkannere ruwe ne, koroka, onnaige anak ne ibeshikashure ambe newa eikaunu ambe ani eshik ruwe ne.

Aa uweingara utara ronnu, orota apayere utara shuma ani kopiyekara Yerusarem kotan, Yerusarem kotan! niwatori chikap koro tekkup choropoketa pon chikap uwekarire korachi, hembak-shui Kuani neyakka echi poho Ku uwekarire rusui?

Tap korachi echi utara ne yakka ainu shik orogeta oupeka utara ukorachi anutara, koroka, echi onnaige anak ne kankapkapeka ambe newa wen-buri ani eshik ruwe ne gusu ne na.