Versets bíblics populars de Мүсүрден чыкыш 15

Comparteix

Реб шейле дийди: «Эгер-де сиз Худайыңыз Реббиң сөзүне дыкгат билен гулак гоюп, Онуң назарында догры хасап эдйән ишлерини этсеңиз, Онуң буйрукларына боюн болуп, буйран әхли парзларыны ерине етирсеңиз, онда Мен мүсүрлилериң башындан индерен апатларымың хич бирини сизиң башыңыза салмарын. Чүнки Мен сизе шыпа берйән Ребдирин».

Реб мениң гүйҗүм хем айдымым. Ол мениң Халасгәрим болды. Ол мениң Худайым, Оны алкышларын. Ол атамың Худайы, Оны бейгелдерин.

Эй, Реббим, худайларың арасында хей-де Сең ялысы бармыдыр? Ким мукаддесликде Сениң ялы бейик! Гең гудратларыңдан горкуп, халк Сени шөхратлар.

Садык сөйгиң билен азат эден халкыңа баш болдуң. Бейик гүйҗүң билен олара Мукаддес меканыңа ёл гөркездиң.

Мара геленлеринде, олар Мараның сувундан ичип билмедилер. Себәби ол аҗыды. Шол себәпли оны Мара дийип атландырдылар. Адамлар Муса: «Биз инди нәме ичели?» дийшип хүңүрдешдилер. Муса Реббе перят этди. Реб оңа агач бөлегини гөркезди. Ол оны сува ташлады велин, сув сүйҗи сува өврүлди. Шол ерде Реб олар үчин парзлар ве хөкүмлер берип, олары сынады.