Versets bíblics populars de Yoona 17

Comparteix

“Ja̱u mba ma̱ng a̱chuchuk wu, a̱wot a bu tyiet mba á̱lyiat ang na; ni̱nia yet a̱chuchuk wu.

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

“Á̱niet bani bya ma̱nyin mba nang n naai ba ndyo bah. N naai tazwa a̱mgba̱m á̱niet ba̱ na nwuak fwuo da̱ nung, mat A̱lyiat A̱gwaza nang á̱niet bani na shei ma̱ng a̱mba a̱ni. A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

N naai ang da̱nian a ka kyiak ba ghwut ndyo mi̱ swanta huhwa bah. N naai da̱nian a ka chok ba wa, kalak A̱ta̱nyeang ka ka̱ bwuk ma̱ng mba.

“Nung, n nwuak á̱niet a̱bya shi nang a nwuak nung a̱ni. Da̱nian ba̱ ka mun á̱pyia̱ ma̱ng á̱ghyang; ma̱nang nung ma̱ng a̱nwan, zi̱ mun á̱pyia̱ ma̱ng á̱ghyang a̱ni. N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.