Versets bíblics populars de Ibriniyawa 5

Comparteix

A̱wot a̱kpa̱u kyayak wu yet si̱ á̱niet ba̱ ka̱n tat a̱ghyi bya a̱ni, nang á̱ tyiet mbaa ba̱ lyen si̱sak ji ba̱ na nkhap a̱wot ba̱ fi̱k a̱ka̱tuk wu ma̱ng a̱tan wu a̱ni.

A̱tsak a̱lyiat, ba̱ng ba̱ tat a̱fwun, nyi ka̱n dabeang mi̱ khwi Yesu hu, ku myim si̱ nyi mi̱ nkai ngyet á̱niet tyiet bya! Da̱ a̱kwonu a̱kya, nyi chat a̱ghyang a̱niet wa a̱ bu tyiet nyin a̱tyin a̱lyiat A̱gwaza ka. Nyi li nang a̱chyuang mman na̱ swuo a̱jojot a̱baan a̱ni. Nyi si̱ mi̱n gya a̱kpa̱u kyayak bah. Mat a̱tyu a̱ ni̱ swuo a̱jojot a̱baan a̱ni, a̱ ni̱ yet a̱banggwon kya. A̱ ka̱n maai lyen a̱wot a̱ nyia̱ ta̱m ma̱ng tyiet ku yet a̱tsotswat a̱ni bah.

Ku nang Yesu ngyet Nggwon A̱gwaza kya a̱ni, a̱ si̱ myiam si̱sak nang gu na nkhwi a̱lyiat A̱gwaza na, mi̱ nkyang ma̱ a̱di̱di̱t nang nggu nswuo a̱bung a̱ni. Mat a̱nia wa mbyia̱, A̱gwaza si̱ li Kristi maai a̱ yet A̱gba̱ndang Pris a̱ sang a̱bun a̱ni. A̱wot a̱ yet a̱tyin shya̱ san sang sangba̱p a̱mgba̱m á̱niet ba̱ khwi nggu a̱ni.

Mi̱ jen nang Yesu ku nshya̱ mi̱ swanta hu a̱ni, a̱ si̱ naai A̱gwaza a̱ fat a̱sa̱kut. A̱ twei mi̱ chet ma̱ng ndang a̱ghyi, da̱ a̱vwuo a̱tyu a̱ na san nggu, gu nwai khwu a̱ni. A̱wot A̱gwaza si̱ fa̱k naai nggu hu, mat si̱sak nang gu ku nnwuak a̱pyia̱ nggu, a̱ si̱ fwuong a̱wun A̱gwaza ba̱t a̱ni.