Versets bíblics populars de A̱ga̱la̱tiyawa 6

Comparteix

Mat a̱nia, zi̱ yok van ma̱ng nyian á̱ghyang a̱tan nta̱m bah. Mat ka̱ zi̱ nti̱n fwuo bah, da̱ a̱cha̱chaat jen chak yak wu, zi̱ na shya̱ kpangti̱n gba̱mgbam.

Mat a̱nia, kuzang jen ki̱ zi̱ shya̱ a̱wat, ku myim zi̱ nyia̱ a̱mgba̱m á̱niet ba a̱tan nta̱m. Á̱niet ba nang zi̱ na beang swak a̱ni, bibya yet á̱niet khwi Kristi ba.

Nyi ni̱ mbeang á̱niet ba̱ swuo a̱bung ma̱ng a̱fi̱fa a̱ li nang a̱kpi̱di̱dyi̱k nkpa̱t a̱ni. Di̱ nvak huni hwa nyi na nkhwi doka ji cha̱chaat nang Kristi nwuak nyin a̱ni.

Nyi yok laai á̱pyia̱ nyin bah, á̱ mbyia̱ a̱tyu a̱ si̱ mi̱n shyok tsotswat A̱gwaza hu a̱ni bah. A̱tyu khap ni̱ chak yak nang gu chyui wa a̱ni.

Ma̱nang a̱tyu khap ni̱ nchyui yak ma̱ a̱byin a̱ chak a̱ni, ma a̱nia wa á̱nietbishyi ba. A̱wot a̱tyu a̱ chyui da̱nian a̱ ka fa̱k nyinyang a̱ka̱tuk za̱kwa a̱ni, a̱ na chak a̱ bwui. Nggu wa yet a̱khwu ka. A̱wot a̱tyu a̱ chyui da̱nian A̱za̱za̱rak Ntswa a̱ ka fa̱k nyinyang gu a̱ni, a̱ na shya̱ swuan sang sangba̱p ji neet da̱ a̱vwuo A̱za̱za̱rak Ntswa a̱ni.

Nyin á̱niet khwi Yesu ba nang n chat a̱ni, ka̱ a̱tyu khwi Kristi a̱ghyang mi̱ sot á̱niet khwi nyin ji ghyuap, a̱ si̱ kwa ma̱ a̱ka̱tuk nyia̱; nyin nyi byia̱ tat á̱ghyi nyi yong mi̱ chet di̱ khwi Kristi a̱ni, ku myim nyi ta̱bam ma̱ shonshyon ma̱ng ghyuai a̱pyia̱, nyi beang, nyi bwuok ma̱ng a̱tyu a̱wa tyia̱ da̱ a̱tsatsak nvak wu. A̱wot ka̱ nyi na bwuok ma̱ng a̱tyu a̱wa, ku myim nyi ta̱bam, kalak nyin meang, nyi kwa di̱ tangka̱i mak ku shya̱ nggu a̱ni.

Ka̱ a dam nyia̱ a yet a̱tsatsak a̱yin swak a beang a̱ghyang ang, a laai a̱pyia̱ ang kya. A yet a̱tsatsak a̱yin nang a dam a yet a̱ni bah. Ku myim konyan ma̱ nyin gu mak ta̱m hu nang gu nyia̱ a̱ni. Mat a̱nia wa gu na nfa̱k nyinyang ka̱ a̱ nyia̱ ta̱m hu shansham. A̱wot gu yok tyan ta̱m a̱pyia̱ nggu ma̱ng si̱ á̱ghyang á̱niet bah. A̱wot ku yet ta hwa, konyan ma̱ nzi̱t gu kyiak kyang nang gu nyia̱ a̱ni, a̱ kpa̱a̱t.