Versets bíblics populars de 1 Bitut 4

Comparteix

Kyang ku swak a̱mgba̱m a̱ni, huhwa yet; nyi ya a̱son ma̱ng chat á̱ghyang nyin ba̱t. Mat chat hu ni̱ chi a̱ka̱tuk nyia̱ ma̱ a̱di̱di̱t.

Konyan byia̱ za̱nang chet gba̱mgbam nang a̱za̱za̱rak Ntswa A̱gwaza nang nggu mat shok gu ji a̱ni. Mat a̱nia, nyi nyia̱ a̱tan ta̱m ma̱ng za̱nang chet nyin ji, nyi mbeang á̱ghyang nyin.

A byia̱ za̱nang chet shei a̱lyiat A̱gwaza jaa? Shei na shansham, nang A̱gwaza wa lyiat mami ang a̱ni. A byia̱ za̱nang chet beang á̱niet jaa? Beang ba ma̱ng a̱mgba̱m chet nang A̱gwaza nang ang a̱ni. A̱jawa kuzang ta̱m nang a nyia̱ a̱ni na nwuak A̱gwaza shi mami a̱lyoot Yesu Kristi. A̱mgba̱m a̱kyenkyai shi ma̱ng chet, yet si̱ nggu hwa, si̱ nat sang sangba̱p. Samba̱rka!

A̱wot ka̱ nyi swuo a̱bung da̱nian nyi yet á̱niet khwi Yesu bya, nyi yok fa̱k nsum bah. Nyi dyep A̱gwaza mat a̱wat nang nyi shya̱ á̱ yei nyin da̱ a̱lyoot Yesu a̱ni!

Sangba̱p swanta ji shim bai. Mat a̱nia, mi̱ nfwuo nyin na, si̱ nyi tung a̱nka̱li, nyi gba á̱pyia̱ nyin di̱ naai A̱gwaza.

Nyin á̱niet khwi Yesu ba nang n chat a̱ni, nyi yok fa̱k a̱ga̱de da̱ a̱nya̱nyai ya̱shuk a̱ shyat nyin a̱ni bah, á ngyei kyang fai hwa shya̱ nyin. Da̱ a̱kwonu a̱kya, si̱ nyi gwai nang nyi nshya̱ dundung ma̱ng Yesu di̱ ya̱shuk huni a̱ni, da̱nian nyi si̱ ba̱ gwai ba̱t a̱tuk nang á̱ na ntyai a̱kyenkyai shi Yesu wu kpa̱sai di̱ bwuok bai nggu hu mi̱ swanta hu a̱ni.

Nyi ni̱ nsan á̱nietchen mbwak feang ma̱ a̱ka̱sa nyin na di̱ mi̱ kwop a̱dyii̱ng. Nyi nang ba kyayak ma̱ng a̱vwuo kwai.

Huhwa mbyia̱, ka̱ nyi swuo a̱bung di̱n vak ku myim A̱gwaza a̱ni, nyi ya a̱son ma̱ng nyia̱ kyang ku yet a̱tan a̱ni. A̱wot nyi bu tyia̱ á̱pyia̱ nyin mbwak a̱tsotswat A̱gwaza a̱ mat nyin mi̱ swanta hu a̱ni. Mat a̱ si̱ mi̱n ghwon nyin, nyi swuo nsum bah.

Mat a̱nia, nang Yesu nswuo a̱bung mi̱ vam a̱ni, ku yet ta hwa nyi yong mi̱ chet ma̱nang a̱nggu a̱ni. A̱wot nyi swan ma̱ng la̱p vam fwuong swuo a̱bung meang. Mat ka̱ nyi swuo a̱bung da̱nian Kristi, ku tak nang a̱ka̱tuk nyia̱ bu byia̱ tyok tazwa nyin bah. Nang ku ndi a̱nia a̱ni, nyi yok khwi shyuo vam ma̱ á̱kum swuan nyin ka mi̱ swanta hu bah. Da̱ a̱kwonu a̱kya, nyi fa̱k di̱dang nyia̱ ta̱m hwa nang A̱gwaza chat a̱ni.

Nyi yet á̱niet a̱li̱ba̱rka bya ka̱ á̱ fwoi nyin da̱nian nyi yet á̱niet khwi Yesu. Mat ku tak nang a̱kyenkyai shi A̱za̱za̱rak Ntswa A̱gwaza wu nshya̱ dundung ma̱ng a̱nyin.