Versets bíblics populars de 1 Yoona 5

Comparteix

A̱wot gbang a̱lyia̱ nzi̱t hu nang zi̱ byia̱ a̱zaghyi A̱gwaza a̱ni, huhwa yet; ki̱ zi̱ naai gu kuzang kyang ku myim nggu a̱ni, a̱ na fa̱k zi̱t.

A̱wot mat nang zi̱ ndyen nang gu nfwuong zi̱t kuzang jen nang zi̱ nnaai gu kyang a̱ni, zi̱ ma ndyen nang zi̱ na nshya̱ kyang hu nang zi̱ naai da̱ a̱vwuo nggu a̱ni.

Ki̱ zi̱ chat A̱gwaza, ku fa nang zi̱ na nkhwi doka nggu ji. A̱wot doka nggu ji vwuo a̱khwu bah. Mat kuzang nggwon A̱gwaza byia̱ chet hu, ku maai nang ka̱ na nswuo chet swanta hu a̱ni. Nwuak fwuo nzi̱t hu di̱ Yesu hwa na tyia̱ zi̱ nswuo chet swanta hu.

Konyan wa byia̱ Nggwon A̱gwaza ka, a̱ byia̱ swuan. A̱wot konyan wa da̱ a̱ byia̱ Nggwon A̱gwaza ka a̱ni bah, a̱ byia̱ swuan bah.

N dyuut nyin nkyang nani, nyin á̱niet ba nyi nwuak a̱chuchuk di̱ chet a̱lyoot Nggwon A̱gwaza ka a̱ni, da̱nian nyi ka lyen za̱m nang nyi mbyia̱ swuan sang sangba̱p ji.

Zi̱ lyen nang konyan wa yet nggwon A̱gwaza a̱ ya a̱son mi̱ nyia̱ a̱ka̱tuk nyia̱ nchi̱ri̱ng bah, mat Yesu a̱ yet a̱tsak Nggwon A̱gwaza ka a̱ni, chok gu, kalak A̱ta̱nyeang ka ka̱ du tyia̱ nggu swuo a̱bung.