Versets bíblics populars de 1 A̱korontiyawa 1

Comparteix

Da̱ a̱kwonu a̱kya, A̱gwaza ku khai á̱niet nang swanta hu fa nyia̱ ba̱ yet á̱bwuon bya a̱ni, da̱nian gu ka tyia̱ á̱niet swanta ba, ba̱ fa nyia̱ ba̱ byia̱ mumwang a̱ni, ba̱ swuo nsum. A̱wot A̱gwaza si̱ khai á̱niet ba̱ sang chet a̱ni, da̱nian gu ka tyia̱ á̱niet ba̱ byia̱ chet a̱ni, ba̱ swuo nsum.

A̱lyiat a̱team a̱khwu Yesu na yet bwuon hwa da̱ a̱vwuo á̱niet ba̱ swan a̱khwu sang sangba̱p a̱ni! A̱wot da̱ a̱vwuo nzi̱t zi̱ shyat swuan sang sangba̱p ji a̱ni, a̱team a̱khwu Yesu wu yet a̱tsak nchet A̱gwaza wa.

Mat kyang nang a̱tyubishyi nwuan nang bwuon hwa A̱gwaza nyia̱ a̱ni, ku swak mumwang nang a̱tyubishyi byia̱ a̱ni. A̱wot kyang nang a̱tyubishyi nwuan nang sang chet A̱gwaza hwa a̱ni, ku swak a̱mgba̱m chet a̱tyubishyi.

A̱gwaza na nyia̱ si̱ huni, mat a̱ yet a̱tsotswat wa. A̱ na nyia̱ kyang nang gu hyia̱ a̱ni. A̱wot a̱ ka̱n gyorong nyin nyi mun á̱pyia̱ ma̱ng Nggwon nggu ka, Yesu Kristi A̱tyoli nzi̱t wu.

N naai nyin á̱niet khwi Yesu ba nang n chat a̱ni, mami tyok a̱lyoot A̱tyoli nzi̱t Yesu Kristi, nyi swan swat nyinyang ma̱ng á̱ghyang nyin. Nyi yok ghai di̱ susot bah. Da̱ a̱kwonu a̱kya, nyi swan ma̱ng mun á̱pyia̱, nyi yok a̱di̱dam nyin wu ma̱ng kyang nang nyi chat a̱ni, ku yet nyiung.

A̱tyu mumwang wu shya̱ a̱ji wa? A̱yaagwak tyiet doka ba shya̱ a̱ji wa? Á̱niet ba̱ fa ba̱ lyen kuzang kyang mi̱ jen a̱fwun ji a̱ni, shya̱ a̱ji wa? A̱gwaza tyia̱ mumwang swanta huni li nang bwuon hwa a̱ni.