Versets bíblics populars de Ka̱la̱tiyam 5

Comparteix

Aya datiyu Fi̱ki̱m Kwamamu ki̱yungditu nang ti̱mi̱lantu n ti furi mwemwen, n ti li̱mang, n ti bwanu, n ti nangang ki̱yilang, n ti kwa̱mbi̱r, n ti bunti̱ku, n ti takku durang. A ne lwangang yilang we bi̱bu ki̱yadu ki̱ni ni̱r dini̱mu.

Chi mang fwa nang ti̱tu. Ti̱du fi̱ki̱m Kwamamu a ti chimi̱n kakku. Ka ti̱ma yiko, ta swidu we chi bwi ki̱badditu.

Ka ni du Fi̱ki̱m Kwamamu ki̱ti nimi̱n kake, ni bunti̱ Fi̱ki̱mu a ya ki̱ni chi̱ni we da chire wu a ti̱kuriye kwang.

N chi̱ni bi̱bu ni bunti̱ Masiyamu, ni du bunti̱ki̱ dati yiyu a bwiyu, ni duti̱ maku chi ti̱bwilaitu no niyang mi̱la makitu, dati yiyu a twiyan we ki̱tiyang bwangu we bwa Yesuwe.

Chi da bwiye ki̱yungde a laibulaiye. Ki̱fi̱bti n ti yari n ti chi danduri. N ti siiku di̱yor, ni̱bu ki̱ko yichiyu ki̱mana kana ti̱kulani, ki̱ko yichiyu. Ki̱ridu ki̱ni ki̱fwini, n ti bakku durang, n ti yaram, n ti kulangkulange, n ti kati̱n, n ti noraku yimiyang, n ti sulai yo yimu a la bwiye, n ti datiyu a chirkan n ti yiyu. Mi̱n ngau chimi̱n ki̱kure yinangu no mang wi mang fwa chimi̱n ferediyangu, mi ni̱bu ki̱ma duum daam bi̱bu a ne le yaa Kwama.

Kebi̱mi̱m, ni̱bu a yal chi̱ne ko be ni ma fiswe wu a ne ni bunti̱ yili̱ne. Aya ti̱ma daan, ke ki̱la da wu ta yange ti̱le ti̱mang yari. N ti ki̱ki yikongu, ti̱ma nangangu ki̱ni da wu ni maka yichireyi ki̱n a wa̱re mi̱lake.

Di̱ne da bwiye a yabu n ti Fi̱ki̱m Kwamamu, yinu Fi̱ki̱m Kwamamu a kekabu n ti da bwiye. Datiyu ki̱ni yurako, ki̱katadu ware. Nang chi ki̱yodu ta mebu ta mabu chi ni̱r chi̱nu ki̱badde.

Nangki̱n, yili̱nti kwang a mur a yilangi kiin, “Mi̱la kemo yinang dur mun.”

Ni kadu ni̱bu ki̱kukku duti̱mu we, ka bi̱bi kulangkulangi̱me, ka bi̱bu ki̱mi̱la kati̱ne.

Ki̱ka̱ngu m Masiya a chaku ni, n chi̱ni ni chir ni swe ki̱ni da. A dakan ni mar da wu, ni ki̱la ti̱nu we ka̱bi ti̱tu a bunti̱ki̱ yilangitu.