Ma Joshua e ghoi bosa vanira rana Israel, “Tana lei bongi ke mai nagho, rana lei dalemiu igeva kara huatighau ma kara ghaghua, ‘?Na hava na ghanaghana iga na lei vatu ini?’ Keri gekau bosa tughu vanira te vagha eni, ‘Iani rana Israel tara sogha halavua na beti tina Jordan tana bona te mamaha. Tana matamiu, a Yahweh, nimiu na God, te nea ge mamaha na beti tina ritini ighau udolu tau soga halavu, te vagha te nea iga ge mamaha na tahi Sisi ga sogha halavu ighita udolu.