Versets bíblics populars de ꞌLuuka 12

Comparteix

Aaut niig buúk dĩkĩĩm, hĩnĩngĩtĩ aku hatĩ Ngeertĩ Eeto kõr ꞌcĩ hõllõngaa ammuhuneeku niiga.”

Idiimit habuccieet cĩ Nyekuci ĩĩcĩ oou nẽ thĩ hatĩ aanytĩhoothĩhuung hẽlẽggĩ ꞌcĩg ũgĩ ho urutaa cĩnnĩ.

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

Hĩnĩngĩtĩ ngaatĩ aayyi baliiniti cunnẽẽnĩ, aaĩ ꞌthẽk hatĩ ꞌthĩnĩt cunni buúk ngaatĩho.

Nganĩ hõrggẽẽnaa cunuung ꞌcĩ occa aaꞌnyĩk mothiiniti hĩttoorĩk kõr hõdẽẽthõng haaga rũgẽtaa cĩnnĩ?

Nĩngĩtĩ annẽẽkĩ Yeesu nuyyiook cĩgĩnnĩg, “Haduhaakuung naa ngagiita, ma homothiinnu rũgẽt cunuung, hode ꞌgii ꞌcĩ adaku, hode eleeti cugguung, hode ceremwa ꞌcĩg ahimittu.

Nẽ ĩmana cĩg ooti cugguung ko, itigiil Nyekuci vẽlẽk. Nẽẽthĩ, ma hiteelinnu ꞌgiimwa, iiginnu niig tiirik ĩllõõannu hĩbaallĩ ꞌcĩg hidicig ꞌcĩg mẽẽlĩg.

“Niig nuyyiooha cĩgannĩg ꞌcĩg ngatũrĩg haaga ho, ma hiteelinnu, hĩnĩngĩtĩ accamanoothĩk Maaꞌnyu ngaatĩ aaꞌnyuung ngagiit habuccieet cĩnnĩ.

Ummuhuttooth da nõõ hĩbaallĩ, aitiõõ nẽẽg hõllõngaa akannĩ nẽ hõllõngaa aꞌnyak ĩragẽẽt ꞌcĩg aarĩkĩ ꞌgẽẽn. Nyekuc ꞌcĩ irohĩt ĩhõõggõ. Aꞌthuunnuung ngagiit Nyekuci hĩllõõan hĩbaallĩ.

Nẽ ma haaꞌnyiku ꞌthinneeti hummuhit ꞌgẽẽn ꞌcĩ adaku.

Nẽ má aꞌthũũnnĩ Nyekuci nyettur ꞌcĩ aaĩ kõr icci ngaati, ma lohotha udhuhoothĩk ꞌgwoyyiatõõ haaga, hõllõngaa occa hatĩ aꞌthuunnuung nẽẽ ngagiita? Inni thĩ aꞌnyahit niig lemiinit ꞌcĩ hidici haaga ho?

Aitiõõ ꞌgii umwaa ꞌcĩ ammiꞌthi ꞌcĩ hõllõngaa hatĩ aku appulanniaa tõõ, hode thõõth ꞌcĩ othooꞌthi ĩĩcĩ burki ꞌcĩ hatĩ ammiꞌthi ũdũt tõõ.