Versets bíblics populars de Римэйхиндэ 14

Comparteix

Ушарынь юуб гэбэл, Бурханай хаан орон эдихэ, ууха тухай бэшэ, харин Нангин Һүлдэһөө эхи абадаг үнэн сэдьхэл, энхэ тайбан, баяр жаргал тухай юм. Таанад тиимэ маягаар Христосто алба хэжэ байбал, Бурханда таатай ба хүн зондо хүндэтэй байхат.

Ажамидархадаа бидэ Дээдын Эзэниие бодон ажамидарнабди, үхэхэдөө бидэ Дээдын Эзэниие бодон үхэнэбди. Тиимэһээ амидарна гүбди, али үхэнэ гүбди, бидэ Дээдын Эзэнэйл хүмди.

Тиимэһээл бидэ энхэ тайбаниие найруулдаг, бэе бэеынгээ этигэл һүзэг бэхижүүлдэг юумэнүүдтэ зорижо байха ёһотойбди.

Зай, бэе бэеэ шүүбэрилхэ шүүмжэлхэеэ болиёл даа. Харин бусад зониие бүдэрүүлхэ гү, али нүгэл шэбэлдэ унагааха юумэ хэхэгүй гэжэ оролдожо байял.

«Яһатан бүхэн урдамни мүргэхэ, ямаршье хэлэтэй хүн намайе Бурхан гэжэ айладхаха, ами наһаараа тангаригланаб гэжэ Дээдын Эзэн хэлэнэ», – гэжэ Нангин Бэшэг соо хэлээтэй байдаг. Хүн бүхэмнай өөрынгөө үйлэ ябадалай түлөө Бурханай урда тоосохо юм.

Этигэл һүзэгөөр һула хүнүүдые хүндэлжэ байгты, һанал бодол тухайнь тэдэнтэй бү арсалдагты.

Ондоо хүнэй зарасые шүүбэрилжэ байхаар ши хэн гээшэбши? Тэрэ хүнэйшни эзэниинь лэ зарасынгаа зүб гү, али буруу байһыень мэдэхэ юм. Тэрэ зүб байха, юундэб гэбэл, Дээдын Эзэн тэрэниие зүб байлгаха арга хүсэтэй юм.