Versets bíblics populars de ROMETE 3

Comparteix

Ajiahchu mi zousiah in sil a bawlsualta va, Pathian loupina a ching zouta sih uhi. Khrist Jesu a um tatna jalin a hehpihna in a thawn a siamtansah in a um uh.

Huchu, Jesu Khrist gintaatna jiaha a gingta photmahte diing a suhlata um Pathian dihtatna chu ahi; bang jiahin ahiai i chih leh a kilimdanna bangmah a um sih hi

Pathian thuaahtheihna jala malaia a sualnate uh kiheetmohbawla a um jiahin, a dihtatna etsahna diingin Khrist Jesu chu a sisana ginna jala sual thuphatawina hi diingin Pathian in a guat a; Amah chu midihtat ahihtheihna diing leh, Jesu gingta photmahte siamtangsahtu ahihtheihna diing a tulaia a dihtatna etsahna diing ahi.

Hujiahin daan silbawlte jiahin koimah Pathian mitmuh in siamtangin a um sih diing uh; bang jiahin ahiai i chih leh daan jiahin sual kiheetna ahung um hi.

Hichia gelh bangin, Koimah midihtat mawngmawng a um sih, khatmah zong a um sih. Koimah hesiam mawngmawng a um sih, koimah Pathian hawl mawngmawng a um sih. Ahilou lamah a peet zou vehta va, bangmah phatuamlou ahung suaah vehta uh; koimah silhoih bawl mawngmawng a um sih, khatmah zong a um sih.

Hujiahin mi’n daan silbawlte jiah hilouin, ginna jiahin siam tangin i ngai ahi.

Suaahsah lou hial e; Pathian chu midihtat hi henla, mi chin chu zuau thei hizaw heh; Na thusoi a siamtang a na um a, vaihawmsah a na um chianga zong na zoh theihna diingin, chi a gelh bangin.