Versets bíblics populars de THUPHUANDOH 7

Comparteix

Hi nunga ka et leh, ngai in, mipi nasatah, koimah simseeng louh, nam chin, phung chin, mi chin leh haam chin apat puan ngou silh a, huleh tuumnah tawi a laltouphah leh Belaamnou ma a diing chu ka muta a.

Huleh amahuh chu aw ngaihtahin a kikou va, Hutdamna chu laltouphah tunga tou i Pathian uleh Belaamnou a ahi, chi’n.

Ajiahchu Belaamnou, laltouphah laia um khu in amahuh a vaah diing a, tuihing lui luanna ah amahuh a pui diing a; huleh Pathian in a mit va kipat mittui zousiah a siaah siang diing hi, a chi hi.

Hujiahin amahuh chu Pathian laltouphah ma a um in suun leh janin a biahinn ah a nna a tong uhi; huleh amah laltouphah tunga toupa chu a lahvah a teeng diing hi. A gil uh a kial nawn sih diing a, a dangtaah kiit nawn sih diing uhi; huleh nisa in amahuh a kaang nawn sih diing a, a satna in zong a sugim nawn sih diing hi.

I Pathian suaahte a tal va i chiamchih zoh masiah leitung hileh, tui khang lian hileh, singte hileh suse sih un, chi’n. Huleh chiamchiha umte phaahzah chu ka ja a; Israel tate nam zousiah apat nuai khat leh siing li leh saang li chiamchih ahi uh.