Versets bíblics populars de THUPHUANDOH 14

Comparteix

Huleh vaan a kipan aw khat in ka kawmah, Gial in, Tu apat misi Lalpa a site chu a hampha uhi; Hagau in, Ahi, a tohgimnate uh khawlsana, a silbawlte un hung jui diing ahihjiahin, a chih hi, a chih ka ja hi.

Hi ah Pathian thupiah juite leh, Jesu gingta misiangthoute kuhkalna a kilang hi.

Aw ngaihtaha kikou in, Pathian lau unla, a kawmah loupina pia un; ajiahchu a vaihawmna hun ahung tungta hi; huleh amah vaan leh, lei leh, tui khang lian leh, tuinaahte bawltu chu bia un, a chi a.

Huin angel dang a thumna in amahuh a jui a, Mi koipouh in gamsa leh a lim a biah a, a tal aha, a khut aha a chiamchihna a neihleh, Pathian lungthahna uain, a hehna noua bangmah toh hal louh kisung chu a dawn diing a; huleh angel siangthoute mitmuh leh Belaamnou mitmuh ah mei leh kaata suhnat in a um diing hi, chi'n aw ngaihtahin a kikou hi. Huleh a suhnatna meikhu uh chu kumtuang kumtuang in a jamtou a; gamsa leh a lim bete leh, a mina chiamchihna nei photmahte’n chu suun leh janin khawldamna a mu sih uhi.

Huleh ka en a, ngai in, Belaamnou, Zion taanga diing leh, a tal va a Pa uh min kigial chiat nuai khat leh siing li leh saang lite chu ka mu a.

Huleh angel dang khat, leitung a teeng nam chin, phung chin, haam chin leh michin kawma taangkoupih diing kumtuang tanchinpha neia vaanlaizawl a leeng ka mu a.

Huleh angel dangkhat in a jui a, Hu khopi loupi, Babylon chu a chimta hi, a chimta hi, a mingaihhaatna lungthahna uain nam zousiah a dawnsah jiahin, chi'n.