Versets bíblics populars de THUPHUANDOH 10

Comparteix

Hizongleh angel sagihna aw gin lai nite a, a muut di’kuan chiangin Pathian thuguuh kiphual chu a suaah zawlneite kawma ana soisa bangin suhkim ahita diing hi, chi'n.

Huin ama’n ka kawmah, Mi tampite leh, namte leh, haamte leh, kumpipate ma ah Pathian thu na soisawn ngei diing ahi, ahung chi hi.

Huleh angel haat dang khat meilum a kithuam a vaan a kipana hung kumsuh ka mu a; a lutungah sakhituihuup a um a, a maai chu ni bang ahi a, a keengte chu mei khuam bang mei ahi.

Huin angel kawmah ka va chiah a, a kawmah, Lehkhabu neutakhat chu hung pia’n, ka va chi a. Huin ama’n ka kawmah, La inla ne zou veh in; hi in na gil a khasah diing a, hizongleh na kam ah chu khuaizu bangin a hum diing hi, a chi a. Huchi'n angel khut apatin lehkhabu neutakhat chu ka ladoh a, ka ne zou veh a; huleh hichu ka kamah khuaizu bangin a hum a; huleh ka neeh zohin ka gil chu a khata hi.