Versets bíblics populars de HEBRAITE 10

Comparteix

Khenkhatte banga i kikhopnate uh tawpsan lou in; himahleh khat leh khat kihasottuah zaw in; huleh ni ahung nai hulhul chih na heet un kihasottuah sem un.

Huleh lungsiatna leh silhoih bawlna lama kitohthou diingin khat leh khat i kingaihtuah diing uh.

I ginna thuphuan pen uh lawng lou keeiin i tudet diing uhi; Ajiahchu amah thuchiam hung petu chu a ginum hi.

Bang jiahin ahiai i chih leh Pathian deihzawng na bawlzoh va, silchiam chu na muhtheihna diingun na kuhkal uh a ngai hi.

Sialepha heetna hoihlou apat i lungtang uh thehsiang a um in, i sapum u’zong tui chiima sil a um in, huleh ginna heetchi ana lungtang dihtah toh i naih diing uhi.

Hujiahin kipaahman loupitah mai mu diing a na muanna u’chu paaikhe hial sih un.

Bang jiahin ahiai i chih leh thutah heetna i neih nung a i sual teitei inchu, sualnate diing a kithoihna a um nawnta sih a, Hizongleh vaihawmna ngaah zing lauhuai bang aha leh, doutute kaang mang diing lungthahna mei a um zawta diing hi.