Versets bíblics populars de JOHN I 4

Comparteix

Lungsiatna ah launa a um sih a, lungsiatna bukimin launa a delhmang zaw hi; Ajiahchu launa in thuaahgimna a nei hi. Launa neimi chu lungsiatna ah a bukim nailou ahi.

Tate haw, nang u’chu Pathian a kuan na hi va, hute na zouta uhi; ajiahchu amah nanguh a um chu, khovel a umpa sangin a lianzaw hi.

Ama’n eiuh ahung lungsiat masat jiahin, eiun amah i lungsiat uh ahi.

Deihtahte, khat leh khat i kilungsiat diing uhi; ajiahchu lungsiatna Pathian a kuan ahi; huleh mi chin lungsiat siam photmah chu Pathian a piang ahi a, Pathian a he hi.

Lungsiatna nei lou mi’n Pathian a he sih; bang jiahin ahiai i chih leh Pathian chu lungsiatna ahi.

Hi-ah lungsiatna a um, eiun Pathian i lungsiat chih ahi sih a, ama’n eiuh ahung lungsiat a, i sualnate thuphatawina hi diingin a Tapa ahung sawl chih ahi zaw hi.

Deihtahte, Pathian in hichilawma ahung lungsiat leh, eihaw zong khat leh khat i kilungsiat diing uh ahi.

Hikhu ah Pathian in eiuh ahung lungsiatna a kilangta, amah jala i hin theihna diing a Pathian in a Tapa neihsun khovel a ahung sawl jiahin.

Mi’n Pathian ka lungsiat, chi ngal a, a unau a muhdah inchu, mizuau ahi; ajiahchu a muh gegu a unau bawn lungsiat loupi’n a muh louh Pathian bangchi’n a lungsiat thei diai?

Mi koipouh Jesu Pathian Tapa ahi chih gum taphot chu Pathian amah ah a um, amah zong Pathian ah a um hi.

Huleh amah apat hi thupiah i nei uhi, Koipouh Pathian lungsiat in a unau zong a lungsiat diing ahi, chih.

Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi. Hikhuah Pathian Hagau na he diing uh: Jesu Khrist tahsa in ahung piang chih gum hagau photmah chu Pathian a kuan ahi.

Huleh Jesu Khrist tahsa in ahung piang chih gum lou hagau photmah chu Pathian a kuan ahi sih; hichu Khrist doudaalpa hagau hung diing ahi chih na jah uh chu ahi; tuin zong khovel aha um zouta hi.