Versets bíblics populars de MATHI 28

Comparteix

Tsügenyu hagun gungü temi ligü higüe no a sikethen nyu thyülo lotse zoshü nye, lo Pvügü, lo Nyugü lo Kenshün Kapu zan nyu anyugun Baptaiz thyü shülo. Lo anyugun ko no ale hagun ka zokeshü tsü aphu thyü lo zenlo nrün genyu anyugun senthyüshü nye. Lo hire, Ale nthenteyhen nyu ki-e hagun zenzin hüti.”

Tsükatsü Jisu le anyugun ki ryüo anyugun ka, “Tsangge lo Kazü nyue kekvu aphu pe Atsü laso.

Ai tsangge lokethyü nyu güle tenunyu ju ka, “Hagun nshvu nya nye. Hagun le mele khipe krus ge hü kelagü Jisu fü keryü ale shabin laso. A-le hika ndi so; kechamvule a-le nduka zokeshü hontse rhüniso kelasi genyu. Hagun n pharyüo Npugü pe shü kethyü bin nrishü tare.

Lo tsükatsü Jisu le anyugun ka, “Hagun nshvu nyao gungü a sikethen nyu danka anyugun no Galil nyu ryülo tse zoshü nye, anyugun le tsünyu ahyulo ti,” tsonshü.

Tsükatsü anyugun le gungü peshünyu ju zen kehyulo njüo kenthon-o anyugun le raka kechon khipe shüpahünyu tsüo anyugunka, “Hagun, a-le senthyükelo ju le anyugun npvü khejeki agun le zhü kebin ka ryüo rühu pen tinla sele.” tsonla nye. Lo jo higü le ahng gü nyetin ka gunla yatse-e agun le agun npvü a-nthon loti; hagun no hagun nyun kenjünthyüla loho. Tson-o anyugun le anyugun ka kezo hontse zola; lo jo tsüle ryüo nthu keti-e Judanyu dan nyu zo ryü bin zun.