Versets bíblics populars de Rom 3

Comparteix

Khimi qütä lä hunghö sa kha Säthaw üng phung-ang hai hanglaw ö vi dy. Tungaila khimi ce bung hunghö üng aelawi hai saite Isu Khrista hai-a Säthaw ma lasawng-a py saite tähang kähawi phüng-a, khimi ce bung lä äma üng maw-a cüng hai vi dy.

Isu Khrista tea yng saite hai-a Säthaw lä Khrista tea yng saite khimi angxynlyng na bung cüng hai te vi dy. Judae khimi na hai ceng kälang na tea Säthaw üng maw-a cüng hai hethang lä älang kälang awng te y.

Khrista üng dü saite äthi hai-a, Säthaw lä khimi ce üng hunghö na tea bälawi haw hethang Säthaw lä äni bung löci kätyng sa pa vi dy. Khrista üng dü pa saite hai-a Säthaw lä äni ce üng hunghö na tea bälawi pa vi dy. Säthaw ma hikä sa te lä äma üng cüng saite tea mätü khekhe te vi. Jangni üng hai äni lä änawngsa kha khimi ce üng hunghö na tähang dengpy pa te y vi. Tungaila vaihi äni lä äma üng cüng saite mätü hethang Isu Khrista bung hikä dü hai hethang mätaw pa te vi dy. Honi kätyng Säthaw lä äma cüng vi näkha Isu tea yng saite khimi qütä bung lä khimi käcüng-a mäthi te vi dy.

Hokä Ubädi thung-a awng saite kätyng sa te hai-a ämi la Säthaw üng maw-a cüng te y vi. Ubädi lä mä-ai tea hunghö sa saite mäny hai te vi.

Caekäcai thung-a lä, “Ämi lawngtä la Säthaw üng maw-a cüng te awng y. Kätüng lä mani mei näte tea mänykaw saite ämi lawngtä la awng y. Säthaw tea cäphaw hethang ngai saite ämi lawngtä la awng y vi. Khimi angxynlyng na lä Säthaw tea eng ja ö vi dy. Äni ce angxynlyng lä aetütü ö kae vi dy. Kähawi sa saite ämi la awng y. Lawngtä mäteng la awng y.

Yng saite qaitä hai-a Säthaw lä khimi käcüng-a mäthi te kae. Mosi üng Ubädi tea tängai te hai-a lä Säthaw üng maw-a cüng haw te y näte kai ce lä mäny ö vi dy.

Hokä y lyng. Khimi qütä lä kaeling kaemae sa ngaila Säthaw lä mitang khaw te lo thui jawjaw vi. Caekäcai thung-a lä, “Nang üng thui saite kätü-a, tüngkhaw saite lo thui te tea khimi qütä ma nung vi ai. Khimi ce ma nang tea cy te kätü-a, nang lä bäja jawjaw vi ai” näkha thui vi.