Versets bíblics populars de Rom 14

Comparteix

Säthaw üng pre pyng saite lä mä-ai üng käcakänei na hai aesui te y lyng. Muilaw Käcai ma py te cüng saite, awngneng saite, anghawtho saite hai aesui te kae vi. Hini älang hai-a Khrista üng kälu sa dylä, nang lä Säthaw tea anghawtho hai kha khimi ce ma la nang tea bälaw ö vi ai.

Mä-ai üng hing saite khimi na lä Areng tea bälaw hethang hing ö te kae. Mä-ai üng dü saite la khimi ce ma Areng tea bälaw hethang dü ö te kae. Mä-ai üng hing saite hai dü saite lä Areng hai aesui te kae vi.

Tukä dylä mä-ai lä awngneng hethang hai lawng lawngtä yng saite aethaw awng hethang aesäbawng ö jawjaw he kae.

Tukätephüng-a mä-ai lä lawng lawngtä tea tärae cei jawjaw ö vi hang si dy. Nang ce üng kangby jä-ai na tea aetüng hai kha hunghö na sa y hethang aedawng khü ö lawi.

Caekäcai thung-a, “Areng ma thui te lä, ‘Kai lä hing saite Säthaw vi te phüng-a, kai üng maw-a khimi angxynlyng na lä khokhö didü ö vi ai. Khimi angxynlyng na ma kai lä Säthaw lawng te vi näkha älo hai aepho sy ö vi ai’” näte vi. Tukä dylä mä-ai angxynlyng na lä mä-ai üng sa saite na phüng Säthaw tea thui bawi ö vi ai.

Säthaw tea yng te aethawdi saite khimi bung lady ö. Tungaila äni ce üng bälung thung-a tüng te, tüng y te aedawng saite phüng äni ce hai ae-e ö hang ba.

Khimi lawng lawngtä üng mawsawng na tea tärae cei hethang lä nang tähang aeteng te y vi. Honi mawsawng na lä kähawi sa mei, sa y mei, näte tea äma ce üng ingkung ma kheng ai mang. Äni ce lä kähawi-a sa ö ai. Ätephüng-a mei nädylä Areng lä äni ce sa saite tea säbawng haw te phüng-a vi.