Versets bíblics populars de Angtawtha 8

Comparteix

Änini tui thung üng paw hawi te kätü-a lä, Säthaw üng Muilaw Käcai ma Philip bung mityng kälang mang-a, bähawi kha mätawngky lä, äni bung nung haile tyng pa y vi dy. Tungaila äni lä lolang jungtä anghawtho bärai te hai ma, khölawng tho jawjaw vi dy.

Muilaw Käcai ma Philip tea “Honi kaeri teng-a ly kha awng ba” näpa. Tukha Philip lä honi kaeri teng-a aehui vi dy. Honi mätawngky lä äteng-a tyng ea lä buisaw Isaia üng tärü saite cae-u tea äni phai te tüng thai pa ea lä “Nang phai saite cae üng älawngsai tea lä nang mäny vai mei” näkha düng pa dy. Äni ma “Kai tea thui mäcai saite khimi awng y hi lä, Kai lä mäny haw y vi” näpa. Tupyng-a Philip tea lä kaeri qawng-a paw kha äni hai mangtä aedang hethang ka pa dy.