Versets bíblics populars de 1 Yohane 3

Comparteix

Nye vanangu, uwende wetu wulonga wuve wa pamulomo hela, pesi wuvelage wa nachene na wa mufipigo.

Hwehwe yetuwukagwe uwende che kiki, pakuva Kilisito awutawe uwumi wakwe ukwimila hwehwe. Nahwe lwindahihyo lutuvaje ukuwutawula uwumi wetu ukwimila vanyalukolo vetu.

Mulavage ndawuli uwende wa Dada weatupelye hwehwe, nambi twitambulwa vana va Nguluvi, ulo lwe twiwali. Nambi ing'i siyikutukagula hwehwe, pakuva siyimukagwi Nguluvi.

Neke yeipigaga inzanangifu uyo va umwanangifu, pakuva umwanangifu ipigaga inzanangifu uluhuma pamuvango. Neke Umwana va Nguluvi aasile konivala ukufyananga ifipigo fya umwanangifu.

Yeyeavesaga mwana va Nguluvi sipigagi inzanangifu, pakuva ulwihwano lwa Nguluvi luli mulumwene; sahwaniti ukupiga inzanangifu pakuva umwene mwana va Nguluvi.

Sweno, wone umunu ave na uwunono wa ifinu fyamung'i, neke amuwone umunyalukolo vakwe agulwime, sweno ave na inumbula nalamu alemwe akumuwonela ulusungu, uyo ahwana wuli ukutigila ulwa amwenda Nguluvi?

Yeakwinatila indagilo sa Nguluvi akwikala mu wulilumwi nave. Ukukola Umuhe ye Nguluvi atupelye hwehwe, tukulukagula ulwa Nguluvi akwikala muwulilumwi na hwehwe.

Neke yeyeavesaga yesiipiga ing'ani ingolofu, nambi yesakumwenda umunyalukolo vakwe, uyo si mwana va Nguluvi. Na uwo we uwuliwungi uwipwali pagatinagati pa avana va Nguluvi na vala avana va setani.

Na ulukani lwemukalupulike uluhuma pamuvango lwe ulu: Lutuvaje twiyendage!

Sweno, vanyalukolo vangu, mulasasavala wone ing'i yikuvavipila nyenye.