Versets bíblics populars de Mariko 2

Comparteix

Yesu nowinjo ka gipenjo kamano, omiyo nowachonigi niya, “Joma ngima ok dwar jathieth, to mak mana joma tuo ema dwaro. Ne ok abiro mondo aluong joma kare, to ne abiro mondo aluong joricho.”

Kane Yesu oneno yie ma jogo nigo, nowacho ni ng’atno niya, “Wuoda, richoni oweni.”

Eka Yesu nomedo wacho niya, “Sabato ne oketi nikech dhano, to dhano ne ok ochue nikech Sabato.

To ne ok ginyal chopo ir Yesu, nikech ji ne ng’eny ahinya. Mano omiyo ne gipowo otuch e tado kama ochomore gi Yesu. Eka ne giloro ng’atno piny, konindo e ng’angu.

To koro abiro nyisou adier ni Wuod dhano nigi teko mar weyo ni ji richogi e piny ka.” Eka nowacho ni ng’at matuono niya, “Chung’ ikaw ng’anguni mondo idog dala!”

Ere gima yot kuom weche ariyogi? Wacho ni ng’at matuoni ni, ‘Richoni oweni’ koso wachone ni, ‘Chung’, ikaw ng’anguni mondo idhi’?

Ng’atno nochung’, mokawo ng’angune odhi, ka jogo duto nene. Mano omiyo ne giwuoro ahinya kendo ne gimiyo Nyasaye duong’, ka giwacho niya, “Nyaka nene pok wanenoe gimoro machal kamano.”