Versets bíblics populars de Jo-Galatia 5

Comparteix

To gik ma Roho nyago gin: hera, mor, kue, horuok, ng’wono, ber, bedo jaadiera, muolo, kod ritruok. Onge chik makwedo gik ma kamago.

To gima awachonu e ma: Wuothuru kuom Roho, eka ok unutim gik ma ngima mar dhano gombo

Ka wabedo mangima kuom Roho, to ber mondo wawuothuru bende kuom Roho.

Joma oyie kuom Kristo Yesu oseguro gombo mag ngima mar dhano kod herane marach e msalaba.

Timbe mag ngima dhano nenore ratiro. Gin terruok, tim ma ok ler, anjawo, lamo nyiseche manono, jwok, sigu, dhaw, nyiego, mirima, ichlit, miero, pogruok e kanyakla, gombo, mer, dwanyruok, kod gik moko machal kamago. To asiemou, kaka nasiemou chon ni, joma timo gik ma kamago ok noyud gueth mar Loch Nyasaye.

To un owetena, noluongu mondo ubed thuolo, to kik uwe mondo thuolo ma un-gono mi utim gimoro amora mudwaro, to ng’ato ka ng’ato kuomu mondo okony wadgi kuom hera

nikech gombo mar ngima dhano kedo gi dwaro mar Roho, kendo dwaro mar Roho kedo gi gombo mar ngima dhano. Gik moko ariyogo monre, omiyo ok unyal timo gik mudwaro timo.

nikech chik duto ichopo e wach achiel niya, “Her wadu kaka iherori iwuon.”

Waweuru wuorruok, kendo kik wakwinyre, bende kik ng’ato tim nyiego gi wadgi.

Kristo nogonyowa mondo wabed joma ni thuolo. Omiyo chung’uru motegno, mondo kik uyie chak rwak ng’utu e jok mar bedo misumba kendo.