Versets bíblics populars de 彌迦書 4

Comparteix

雖然列國全部敬拜、服事佢等自家个神明，總係𠊎等愛敬拜、服事上主 — 𠊎等个上帝，直到永永遠遠。

萬國會聚集前來，講： 來啊，𠊎等共下上去上主个山 ， 共下來去 雅各 上帝个聖殿。 佢會指教𠊎等應該行个道； 𠊎等也愛行佢所指示个路。 上主个教訓對 錫安 發出； 佢个信息對 耶路撒冷 傳出來。

到最尾个日仔， 上主聖殿个山定著會建立在群山个頂高， 高高在上，超過眾山。 盡多民族全部會流向這山；

佢會解決民族間个糾紛， 為遠方強盛个國調解爭端。 佢等會將刀劍打做犁頭， 將矛槍打做鐮仔。 國際間毋會有相㓾， 佢等也毋使再學習戰爭。