Versets bíblics populars de 馬太 18

Comparteix

因為，無論在㖠位，有兩三儕奉𠊎个名來聚集，𠊎就在佢等中間。」

「𠊎再㧯你等講，你等在地上，若係有兩個人同心合意祈禱，無論求麼介，𠊎在天頂个阿爸的確會成全你等。

耶穌喊一個細人仔來，俾佢企在佢等个中間， 講：「𠊎實在㧯你等講，除了你等變到像細人仔恁樣，你等絕對無可能成做天國个子民。

像這個細人仔恁謙卑个，在天國底背就係最偉大个。

為到𠊎个名接待一個像這細人仔个，就係接待𠊎。

「𠊎實在㧯你等講，你等在地上所禁止个，在天頂也愛禁止；你等在地上所批准个，在天頂也愛批准。

耶穌講：「若係你等逐儕毋肯對內心饒赦兄弟抑係姊妹，𠊎在天頂个阿爸也愛恁樣對待你等。」

「無論麼人害信徒中任何一個微細个人離開𠊎，佢最好被人用大磨石紽等頸筋，㧒落深海浸死。

「你等想看仔，若係一個人有一百隻羊，其中一隻行迷路，佢敢毋會將九十九隻放在山排頂，去尋該隻迷路个羊嗎？